E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Studimi/ A e kemi përdorur xhelin hidroalkoolik kot për dy vjet?

21 Mars 2022, 14:43, Lifestyle CNA

Nga Blerta BRATI, mjeke mikrobiologe ne ISHP

Kështu duket se konkludon një studim i publikuar më 14 shkurt 2022 nga studiues të Universitetit të Utah-s në Shtetet e Bashkuara në revistën ACS Central Science.

Për tu mbrojtur kundër mënyrës së dytë të kontaminimit, u rekomandua fuqishem përdorimi i xhelit hidroalkool ose larja e rregullt e duarve gjatë gjithë ditës.

Në të vërtetë, që nga fillimi i pandemisë, analizat treguan se virusi mund të qëndronte i paprekur në sipërfaqe për 28 ditë!

Megjithatë, sipas një studimi të fundit të publikuar në revistën ACS Central Science, duket se kjo mënyrë transmetimi nuk është e mjaftueshme për të shkaktuar infeksion te njerëzit.

Shpjegimi do të vinte nga një proteinë e pranishme në postilionet ( sperklat) tona dhe e quajtur mucin. Membranat tona mukoze prodhojnë mucinë. Funksioni i saj është të mbajë mukozën me lagështi, si një lubrifikant.

Ajo gjithashtu ka rolin e mbrojtjes së trupit tonë nga patogjenët. Duke u lidhur me të, i pengon ata të hyjnë në qelizat tona.

Në rastin e koronavirusit, mucina ka vetinë e lidhjes me proteinën Spike. Kur njerezit mbajne maske, virusi nuk mund të hyjë më në qeliza.

Kur një person i infektuar spërkat ne ajer, pikat përmbajnë virus të rrethuar nga mucina. Kur këto vendosen në sipërfaqe, uji avullon brenda pak minutash dhe lidhja midis grimcave të virusit dhe mucinave bëhet edhe më e fortë. Kjo është arsyeja pse sperklat ne ajer që jane ende e hidratuara, jane shumë më ngjitëse sesa pështyma që ka qenë në sipërfaqe për disa kohë dhe është e dehidratuar.

Ky zbulim mund të sjellë gjithashtu elementë të rinj në një aspekt shumë misterioz të virusit: pse disa njerëz kanë një formë të rëndë të sëmundjes, ndërsa të tjerët janë asimptomatikë? Cilësia e mucinave të pranishme në mukozën tonë varet nga gjendja jonë shëndetësore dhe nga dieta jonë. Njerëzit me mucina të cilësisë së mirë mund të jenë më të aftë të bllokojnë virusin që të hyjë në trup, ndërsa ata me mucina me cilësi më të ulët mund të mos jenë në gjendje ta bëjnë këtë, duke lejuar sasi më të mëdha të viruseve në trup.

Per ta ditur:

1.Postilionet janë ato pika të pështymës që shfaqen në mënyrë të pavullnetshme gjatë të folurit, kollitjes ose teshtitjes. Disa njerëz spërkasin më shumë se të tjerët.

2.Pështyma e lag gojën dhe për këtë arsye e bën më të lehtë të folurin. Roli i saj fillestar, është të thithë ushqimin për të lehtësuar tretjen e tij. Ne sekretojmë rreth 1.5 litra në ditë që e gëlltisim duke gëlltitur nga 1500 deri në 2000 herë në ditë, shpesh në mënyrë të pavetëdijshme.

3.Disa ilaçe mund ta bëjnë gojën të thahet dhe disa njerëzve u mungon pështyma. Anasjelltas, të tjerët prodhojnë shumë ose e evakuojnë keq. Stresi mund të jetë një faktor kontribues, siç mund të jenë problemet e tretjes ose vendosja e dobët e gjuhës gjatë të folurit.