web counter
LEXO PA REKLAMA!

SHKARKO APP

App Store
Google Play

E fundit!

x

“Prisja një kërkim falje ndaj demokratëve” / Hoxha: Dorëheqja e Bashës, akt politik jo juridik

21 Mars 2022, 18:23, Politikë CNA

Ish nën kryetari i Forumint Rinor të Partisë Demokratike, Lisander Hoxha, në një reagim për CNA.al ka komentuar aktin të dorëheqjes së Lulzim Bashës. Ai konsideron dorëheqjen e Bashës si një akt nul nga ana juridike pasi ai ishte tashmë i shkarkuar. Ajo që ka rëndësi tani sipas Hoxhës është fakti që demokratët duhet të bashkohen e të punojnë fort për ringritjen e partisë.

?Nuk më ka bërë përshtypje dorëheqja sepse ai është shkarkuar më 11 dhjetor, por nëse është një mënyrë për të dhënë mesazh se nuk do të jetë më pengesë për demokratët, në rregull kjo është mënyra dhe rruga e tij, në këtë moment ajo që vlen për tu përmendur dhe nuk gjykoj që duhet të fokusohemi në dorëheqjen e Bashës sepse është një veprim nul nga ana juridike, është ftesë për të gjithë demokratët që të bashkohen e të punojnë fort për fitoren e PD-së, është një moment për ta parë rrugën drej selisë dhe drejt logos së PD si pa pengesat për Komisionin e Rithemelimit dhe për demokratët që të kthehen, të bashkohen në shtëpinë e tyre dhe të mundin Ramën?, u shpreh ai.

Sa i përket faktit që dorëheqja mund të jetë një mënyrë e Bashës për tu rikthyer në krye të PD, Hoxha tha se edhe nëse ai e aspiron një gjë të tillë, kjo është e pamundur pasi Basha ka humbur legjitimitetin për të qenë në krye të PD-së, sidomos pas 6 marsit.

?Mendoj që zoti Basha e ka humbur legjitimitetin për të qenë në kryetar i PD prej kohësh, Foltoret dëshmuan që baza e demokratëve ishte kundër tij. 6 marsi i dha kuptim real fizik këtij fakti. Nuk jemi më në kushtet e retorikës, por një realiteti ku u dëshmua se me kë është baza dhe elektorati i PD-së. Mos harrojmë që Basha nuk ka pasur komisionerë në zgjedhje. Kështu që kjo më duket një rrugë e pamundur që Basha të kthehet me manovra në krye të PD-së, edhe nëse e aspiron një gjë të tillë. Demokratët kanë një Statut dhe nuk pengojnë njeri të kandidojë qoftë ky edhe Basha, por nuk shoh mundësinë që një njeri pas 8 janarit dhe 6 marsit të ketë mundësinë për të qenë lidership i PD në të ardhmen. Gjithsesi zgjedhja e tij, le të kandidojë nëse dëshiron, ne nuk ndalojmë apo përjashtojmë njeri. Secili jep maksimumin e tij politik nëpërmjet staturës që krijon, lobimit politik dhe besimit, gjë që zoti Basha për momentin ka shumë deficenca. Prisja që sot të kishte një kërkim falje për demokratët për të gjithë retorikën e papëlqyeshme që ka shprehur ndaj kësaj lëvizje politike që ka triumfuar më 6 mars. Gjë që nuk ndodhi. Nuk di si duhet ta kuptoj aktin e Bashës për të dhënë dorëheqjen nga një post që nuk e ka pasi është shkarkuar. Nuk është akt juridik, është akt politik?, deklaroi ai./ CNA.al

 

 





Lajmet e fundit nga