Gega karikon korçarët: Edhe në Kategori të Tretë të luajmë, unë do jap maksimumin

21 Mars 2022, 07:34, Sport CNA

Trajneri i Skënderbeut, Skënder Gega, ka pranuar se do të jetë e vështirë lufta për mbijetesë për skuadrën e tij. Megjithatë, ai theksoi se do të provonte në çdo mënyrë deri në fund pasi ishte i kënaqur me mënyrën se si po reagon skuadra e tij. Gega foli pas ndeshjes me Kukësin që u mbyll në barazim 1-1 dhe tha:

“Para një jave kam folur jo për ekipin, por atë që ka ndodhur më parë. U bënë disa ditë që po mundohem të jap atë që mendoj, shpirtin dhe presionin e duhur që i duhet ekipit. Ka qenë kohë e shkurtër dhe sot ishte një modul tjetër. Përveç rezultatit që kemi nevojë, po të ishin 4 pikë do të doja t?i merrja, por u dënuam me penallti që në fillim, barazuam, kishim raste, ndonjë të diskutueshëm. Por nuk ke çfarë t?u thuash çunave, u dhashë dorën për sakrificën, por nuk mund të kompensohen në ndeshjen me Kukësin e gjithë ajo periudhë jo e mirë.

Unë jam munduar t?i qetësoj gjatë gjithë kohës por ndoshta nuk e kam atë forcën gjatë 90 minutash t?i qetësoj të gjithë me radhë, se në një moment ka firo në pasim e mbulim. Edhe nëse nuk jemi shumë efektivë se kishim mundësi, jam munduar që të mos i rëndoj por të jem në balancë dhe në këtë drejtim jam mundua. Kërkohen tre pikë, jo nga klubi, por ata e ndjejnë vetë se kanë sjellë këtë situatë, koha është e shkurtër, rivalët kanë bërë kthesën e fortë, ne nuk dorëzohemi. Unë personalisht edhe në Kategori të Tretë të jetë Skënderbeu, nëse jam në krye të pankinës, do të jap maksimumin se kjo është përgjegjësia ime.

Nuk mund të paragjykoj se çfarë kanë gjyqtarët, unë e shoh dorën e mbledhur te ai rast dhe kjo nuk kthehet mbrapa. Sa i përket gjyqtarëve, mendoj se për çdo ekip në Superiore që luan deri në fund me sakrifica e do të marrë djersën e vet, nuk është e drejtë e asnjërit të na bëjë gjyqin e përcaktojë të ardhmen tonë. Me arbitrin shkova në mes sepse ndërpreu lojën në mesfushë dhe na dha të verdhë, duhej të ishte tolerant. Jam keq me emrat, edhe sot po të më pyetni nuk i di emrat e arbitrave. Por për fytyrë nuk harrohet se është unik, po flisnim për një karton, asgjë tjetër.

Jo, në mënyrë absolute jo. Nuk është puna e tyre e as politike, nëse fitonim sot, larg qoftë, do thoshin po ndihmohet Korça. Duhet të jemi Fair Play dhe të gjithë që marrin fitore dua t?i uroj dhe nëse janë të ndershme, bravo u qoftë. Edhe po zbriti Zoti do e paragjykojmë në Shqipëri. Unë sa të jem me Skënderbeun, sa të jem do të mundohem të jem shembull, ky është misioni?, tha Gega.