web counter
LEXO PA REKLAMA!

SHKARKO APP

App Store
Google Play

E fundit!

x

Gega nuk ndryshon skemë, ja formacioni i Skënderbeut sot ndaj Kukësit

20 Mars 2022, 09:15, Sport CNA

Skënderbeu luan sot  në orën 16:45 në Korçë një ndeshje shumë të rëndësishme ndaj Kukësit, ku fitorja është alternativa e vetme. Gjatë këtyre ditëve trajneri Skënder Gega ka punuar mbi të gjitha për formacionin, i cili do të duhet të japë gjithçka për të arritur tek objektivi maksimal. Në bazë të asaj që ka provuar në stërvitje, rreshtimi me tre lojtarë në mbrojtje nuk do të ndryshojë.

Me Rexhepin në portë, bardhekuqtë do të luajnë sërish me të njëjtën vendosje në prapavijë, ku Vitija, Shehi dhe Sadriu janë lojtarët që Gega nuk i ka ndarë në asnjë moment të provave gjatë gjithë javës. Por, nëse mbrojtja nuk ndryshon, ajo që do të lëvizë trajneri është mesfusha dhe sulmi. Rikthimi i Moraeshit dhe prezenca e tij në të gjitha seancat stërvitore pritet të sjellin ndryshime edhe në formacion. Braziliani ka treguar se ka lënë pas dëmtimin dhe është gati të japë kontributin e tij.

Nisur nga kjo, mesfusha sërish do të përbëhet me pesë lojtarë, por këtë herë me një ndryshim në vendosje. Frashëri në të djathtë dhe Zguro në të majtë, plotësohen nga Viktor dhe Randi në qendër, si dy ekrane para mbrojtjes. Pak më i avancuar në rolin e fantazistit pritet të jetë Moraesh, që do të kujdeset më shumë për pasimin e fundit.

Në sulm do të vendoset Mara, pikërisht në mbështetje të Nikajt ose Berishës, që luftojnë për një vend. Ndërkohë, Alfred Mensah është në dyshim prej dëmtimit dhe gjasat janë që ta nisë nga stoli.





Lajmet e fundit nga