web counter
LEXO PA REKLAMA!

SHKARKO APP

App Store
Google Play

“Protestat, reagim ndaj spekullimit të narkoshtetit”/ Berisha: Qeveria është kapur nga krimi

19 Mars 2022, 16:43, Politikë CNA

Ish kryeministri Sali Berisha, në një intervistë televizive, ka komentuar protestën e qytetarëve shqiptar mbi rritjen e çmimit të naftës dhe produkteve ushqimore. Sipas tij, protestat masive kanë qenë një reagim legjitim i shqiptarëve, të cilët janë duke u përballur me rritje të pashembull të çmimeve, rritje të cilat sipas Berishës vijnë si pasojë e pasjes në krye një qeveri të kapur nga krimi.

?Protestat janë reagimi më i ligjshëm i qytetarëve ndaj një spekullimi të pashembullt pasojë e një narkoshteti në Shqipëri. Është e vërtet që hijet e luftës kanë pasur ndikim në çmimin e energjisë dhe ushqimeve por askund nuk ka pasur protesta. Kjo sepse çdo qeveri e përgjegjshme ka marrë masa dhe ka organizuar mburojën socialenë mbrojtje të qytetarëve. Këshilli i ministrave i BE e konsideroi një masë të tillë, domosdoshme. Në Shqipër çmimet u rritën më shumë se në çdo shtet tjetër të botës apo Europës. Kemi një qeveri e cila në vend të marrë masa lehtësuese antispekullim, bëhet zëdhënës i kompanive duke paralajmëruar rritje çmimesh dhe trupeton se nafta mund të mbarojë, në përpjekje për të ndikuar fuqimisht në krijimin e terrenit për spekullimin?, deklaroi Berisha.

Lideri i demokratëve e ka cilësuar Paketën e Ndihmës të marrë nga qeveria shqiptare, si cinizëm. Sipas tij, të thuash që nuk ulim taksat e naftës, ndërsa nafta në Shqoipëri është më e taksuara në botë, nuk është asgjë tjetër vetëm veprim cinik.

?Paketa e ndihmës është cinizëm sepse nëse u themi qytetarëve që ata që kanë vetura kanë të ardhura më shumë, është si tu thuash hiqni veturat. Nafta tek ne është më e taksuara në botë. Katër taksa dhe tre tarifat shkojnë në 1218 lekë. Insistimi që nuk preket taksa është cinik?, tha ai./ CNA.al





Lajmet e fundit nga