web counter
LEXO PA REKLAMA!

SHKARKO APP

App Store
Google Play

E fundit!

x

Basti i Partizanit, vjen momenti i Sherif Kallakut

17 Mars 2022, 18:19, Sport CNA

Partizani zhvilloi dje stërvitjen e radhës për ndeshjen e së shtunës ndaj Kastriotit në Kamzë, e vlefshme për javën e 26- të të Kategorisë Superiore. Trajneri Dritan Mehmeti i kishte të gjithë lojtarët në dispozicion, teksa dihet tashmë, që edhe pse stërviten normalisht me ekipin, do të mungojnë për shkak të penalizmit me kartonë Skuka, Bitri dhe Albion Marku, tre nga lojtarët kyç të ekipit.

Gjithsesi, lajmi i mirë është rikthimi në kushtet e duhura fizike për Sherif Kallakun. Ditën e djeshme fantazisti u trajnua me ngarkesë të plotë, ndryshe nga më parë dhe u pa mjaft i ingranuar në stërvitje. Ky fakt e bën të sigurt praninë e tij nga minuta e parë në ndeshjen ndaj djemve të Emiljano Çelës. Në kushtet kur mungon një si Skuka në majë të sulmit dhe Mala me siguri do të kalojë në treshen e ofensivës, prania e Kallakut bëhet e domosdoshme.

Duhet të themi se problemet shëndetësore prej COVID-19 e kanë frenuar të riun nga Fushë-Kruja të japë maksimumin, por tashmë që gjithçka ka kaluar, mund të shohim më në fund versionin më të mirë të Kallakut.





Lajmet e fundit nga