web counter
LEXO PA REKLAMA!

SHKARKO APP

App Store
Google Play

Lukaku kërkon të largohet nga Londra, i shkel syrin Interit/ Është gati të ulë edhe pagën…

12 Mars 2022, 11:31, Sport CNA

Romelu Lukaku dëshiron të rikthehet te Interi, aq më tepër tani pas kaosit të Abramovich. Te Chelsea, sulmuesi belg me gjithë përpjekjet e tij me Tuchel praktikisht ai është ndarë dy muaj më parë.

Qëndrimi kaq shumë në stol, e kaa bërë sulmuesin të ndjejë keqardhje që u largua nga ziklatrit e Milanos. Situata tani është përkeqësuar pas sanksioneve ndaj oligarkut rus dhe kalimit të klubit nën drejtimin e qeverisë britanike. Në këto kushte thuhet se belgu ka kontaktuar me drejtuesit e Interit për të gjetur një zgjidhje.

Zgjidhja nuk është e lehtë për t?u gjetur, sepse për momentin, Chelsea nuk mund të shesë as lojtarët e tij. Vetëm pasi qeveria britanike do të gjejë një blerës për klubin, atëhere edhe mund të fillojnë negociatat për ta rikthyer ?Big Rom? në Milano.

Një marrëveshje që, në këtë pikë, mund të bëhej vetëm si i huazuar. Një tjetër kusht i domosdoshëm për ta parë sërish në ?San Siro?, por ky aspekt është ende shumë i parakohshëm.

Ndërkohë, Lukaku ka bërë të ditur se është gati të ulë shumë pagën e tij për t?u rikthyer atje ku ka shkruar histori: nga 12.5 milionë euro për sezonin aktual në të paktën 7.5, një pagë në përputhje me parametrat e Interit.

Për momentin është vullneti i lojtarit për t?u rikthyer, por Marotta pret të kuptojë zhvillimin e situatës në Londër.





Lajmet e fundit nga