web counter
LEXO PA REKLAMA!

SHKARKO APP

App Store
Google Play

E fundit!

x

Policia shton thirrjet ndaj protestuesve/ Shpërndahuni menjëherë ose do marrim masat

11 Mars 2022, 19:14, Aktualitet CNA

Policia e Shtetit ka shtuar thirrjet ndaj protestuesve, të cilët kanë bllokuar akse të ndryshme në shenjë revolte kundër rritjes së çmimit të naftës dhe produkteve ushqimore.

Përmes një njoftimi, policia teksa kujton se bllokimi i rrugëve është një vepër penale, u ka bërë thirrje qytetarëve që të shpërndahen ose do marrin masa ndaj tyre.

Reagimi i Policisë së Shtetit:

Në disa qytete të vendit grupe  personash, kryesisht të rinj, janë konfrontuar me punonjësit e Policisë dhe në disa raste kanë bllokuar edhe lëvizjen e lirë të automjeteve dhe të qytetarëve.

Nisur nga situata e krijuar, veçanërisht në Tiranë, ku grupe të rinjsh vijojnë të kundërshtojnë thirrjet e Policisë për t?u shpërndarë dhe për të liruar rrugët, Policia e Shtetit bën thirrje që personat që kanë bllokuar rrugën të shpërndahen  menjëherë pasi punonjësit e Policisë do të ndërhyjnë në zbatim të ligjit për të shpërndarë protestuesit, me qëllim lejimin e lëvizjes së lirë të autometeve dhe qytetarëve.

Policia e Shtetit, edhe një herë shpreh vendosmërinë për të  mbrojtur të drejtat dhe liritë themelore të qytetarëve, edhe të atyre që protestojnë në mënyrë paqësore,  dhe nuk do të tolerojë veprime të cilat bien ndesh me ligjin dhe cënojnë rendin e sigurinë, lëvizjen e lirë të qytetarëve dhe të automjeteve./E.K-CNA.al





Lajmet e fundit nga