web counter
LEXO PA REKLAMA!

SHKARKO APP

App Store
Google Play

E fundit!

x

Uzuni nervoz, trajneri i Granadës: E hoqa që të mos dilte me karton të kuq

2 Mars 2022, 14:33, Sport CNA

Myrto Uzuni vazhdon të luajë rregullisht si titullar për Granadën në La Liga. Por sulmuesi kuqezi ende nuk ka gjetur golin e tij të parë me fanellën bardhekuqe. Për më shumë, në vend të golave ai ka koleksionuar deri më tani vetëm kartonë të verdhë. Kështu ndodhi dhe në derbin andaluz të hënën në mbrëmje kundër Kadizit. Takimi u mbyll me shifrat 0-0, teksa sulmuesi beratas ishte titullar në këtë takim. Uzuni është ndëshkuar me kartonë të verdhë në këtë takim, teksa trajneri Roberto Moreno ka vendosur ta zëvendësojë në pushimin mes pjesëve.

Tekniku i Granadës është pyetur pas ndeshjes nga gazetarët në lidhje me zëvendësimin e sulmuesit kuqezi, duke dhënë shpjegimin e tij. Moreno ka bërë me dije se Uzuni rrezikonte kartonin e kuq dhe kjo ishte arsyeja e vendimit të tij. ?Nuk ka ndonjë sekret apo ndonjë vendim teknik. Uzuni ishte me një karton të verdhë dhe nëse do të mbeteshim me një lojtar më pak do të kishte qenë një katastrofë për ne. Thënë kjo, duhet të shtoj se Uzuni është një lojtar impulsiv dhe nuk tërhiqet asnjëherë. Kjo bën që ai të ndërhyjë me intensitet te kundërshtari?, ka thënë trajneri i tij, Robert Moreno.

Deklarata e trajnerit Robert Moreno shpjegon gjithçka. Edhe kartonët e verdhë të marrë nga Uzuni me fanellën e Granadës. Në katër takime që ai ka qenë në fushë, tri prej të cilave si titullar, Uzuni në tri prej tyre është ndëshkuar me karton të verdhë. Për takimin e luajtur kundër Kadizit, sulmuesi kuqezi është vlerësuar me një notë mjaft të ulët, sikurse në fakt e gjithë skuadra. ?Nervoz dhe pak vendimtar, zëvendësohet me fillimin e pjesës së dytë?, ka qenë komenti i gazetës ?Estadio Deportivo?.





Lajmet e fundit nga