web counter
LEXO PA REKLAMA!

SHKARKO APP

App Store
Google Play

E fundit!

x

SHBA dëbon 12 diplomatë të misionit rus në OKB

28 Shkurt 2022, 21:45, Kosova & Bota CNA

Dymbëdhjetë anëtarë të misionit diplomatik rus në Kombet e Bashkuara kanë marrë kërkesë për t?u larguar nga Shtetet e Bashkuara deri më 7 mars, për shkak të përfshirjes në aktivitete jodiplomatike.

?Këtyre diplomatëve që u është kërkuar të largohen nga Shtetet e Bashkuara, janë përfshirë në aktivitete që nuk kanë qenë në përputhje me përgjegjësitë dhe obligimet që kanë si diplomatë?, ka thënë zëvendës-ambasadori amerikan, Richard Mills për Këshillin e Sigurimit të OKB-së, pa dhënë hollësi tjera.

Mills ka thënë se atyre u është kërkuar të largohen ?në mënyrë që të mos dëmtojnë sigurinë kombëtare të vendit nikoqir?, duke shtuar se vendimi është marrë në përputhje të plotë me marrëveshjet e selisë së OKB-së.

SHBA nuk e ka lidhur drejtpërdrejt dëbimin me pushtimin në Ukrainë, mirëpo zëdhënësi i Departamentit amerikan të Shtetit, ka thënë se Uashingtoni do të flasë më shumë për dëbimet së shpejti. Ambasadori rus në OKB, Vassily Nebenzia e ka quajtur këtë vendim si ?shkelje? të marrëveshjes së OKB-së me SHBA-në si shtet nikoqir i Kombeve të Bashkuara.

Ky vendim është bërë i ditur në ditën e njëjtë kur Asambleja e Përgjithshme e Kombeve të Bashkuara ka nisur një debat të jashtëzakonshëm për rezolutën ndaj ?agresionit? të Moskës në Ukrainë.

?Luftimet në Ukrainë duhet të ndalen?, ka thënë Sekretari i Përgjithshëm i OKB-së, Antonio Guterres.

?Mjaft është mjaft. Ushtarët duhet të kthehen në barakat e tyre. Liderët duhet të drejtohen nga paqja. Civilët duhet të mbrohen?, ka thënë Guterres. Përfaqësues të më shumë se 100 shteteve pritet të flasin teksa ky institucion global debaton për rezolutën, e cila i kërkon Rusisë të tërheqë menjëherë trupat nga Ukraina.

Sulmi i Moskës ndaj Ukrainës ka nisur në orët e para të 24 shkurtit. Raketat janë nisur në aeroporte dhe infrastrukturë ushtarake në rreth 25 qytete.

Presidenti rus, Vladimir Putin ka urdhëruar ?operacion special? për të çmilitarizuar Ukrainën. Veprimi i Kremlinit ka nxitur zemërim dhe është dënuar në gjithë botën.

Shtetet e Bashkuara dhe aleatët janë përgjigjur me sanksione të ashpra kundër Moskës./Rel





Lajmet e fundit nga