E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Lejuan ndërtime pa leje në Sarandë/ Shpallen në kërkim dy inspektorët

28 Shkurt 2022, 08:13, Kronika CNA

Dy inspektorë në Inspektoriatin Vendor të Mbrojtjes së Territorit, pranë Bashkisë Sarandë janë shpallur në kërkim pasi akuzohen për shpërdorim detyre, pasi lejuan ndërtimin pa leje të pallatit 7-katësh në Sarandë dhe ndërtimin e disa shtesave pa leje. Në kuadër të operacionit “Heshtja” shpallen në kërkim Martin Arapi, 30 vjeç dhe Nertion Jano, 26 vjeç, të cilën janë dënuar me “arrest me burg” në mungesë nga Gjykata e Tiranës.

Pas sigurimit të prova ligjore në lidhje me ndërtimin e paligjshëm të një pallati 7 katesh ende të pa përfunduar por edhe disa shtesa pa leje, në disa pallate në ndërtim, dy inspektorët dyshohet se me veprimet/mosveprimet e tyre kanë lejuar ndërtimet pa leje në zona të ndryshme në qytetin e Sarandës.

“Në vijim të operacionit policor të koduar ?HESHTJA?, për goditjen e aktivitetit të kundërligjshëm në fushën e ndërtimeve pa leje në qytetin e Sarandës, specialistët për Hetimin e Krimit në Komisariatin e Policisë Sarandë bënë shpalljen në kërkim të shtetasve M. A., 30 vjeç, dhe N. J., 26 vjeç, banues në Sarandë, me detyrë Inspektor në Inspektoriatin Vendor të Mbrojtjes së Territorit, pranë Bashkisë Sarandë.

Pasi janë siguruar prova ligjore në lidhje me ndërtimin e paligjshëm të një pallati 7 katesh ende të pa perfunduar por edhe disa shtesa pa leje, në disa pallate në ndërtim, Gjykata e Rrethit Gjyqësor Sarandë me vendimin Nr.21, datë 24.02.2022, ka vendosur për këta dy shtetas, masat e sigurisë në mungesë ?Arrest në burg?, per veprën penale ?Shpërdorimi i detyrës?,

Të dy këta shtetas dyshohet se me veprimet/mosveprimet e tyre kanë lejuar ndërtimet pa leje në zona të ndryshme në qytetin e Sarandës, në bashkëpunim me Kryeinspektoren e IMT R. P., e arrestuar me datë 21.02.2022, për veprën penale ?Shpërdorimi i detyrës?,

Materialet iu referuan Prokurorisë së Rrethit Gjyqësor Sarandë, për veprime të mëtejshme.”-thuhet në njoftimin e policisë./CNA.al