web counter
LEXO PA REKLAMA!

SHKARKO APP

App Store
Google Play

Kosova kërkon anëtarësim të përshpejtuar në NATO

27 Shkurt 2022, 20:51, Kosova & Bota CNA

Kosova po kërkon nga NATO përshpejtimin e anëtarësimit të saj në këtë organizatë dhe vendosjen e një baze të përhershme të Forcave Amerikane brenda territorit të Kosovës.

Kështu ka thënë sot Ministri i Mbrojtjes, Armend Mehaj, i cili ka thënë se anëtarësimi i përshpejtuar i Kosovës në NATO dhe vendosja e Bazës së Përhershme të Forcave Amerikane, është nevojë imediate për garantimin e paqes, sigurisë dhe stabilitetit në Ballkanin Perëndimor dhe më gjerë, transmeton Zeri.info

?Bazuar në realitetin e krijuar pas agresionit ushtarak të Rusisë në Ukrainë dhe reflektimit të tij në mjedisin e përgjithshëm të sigurisë së Ballkanit Perëndimor, Evropës dhe Botës, kërkojmë nga SHBA dhe të gjitha vendet aleate dhe partnere të vendit, përshpejtimin e procesit të anëtarësimit të Republikës së Kosovës në NATO. Republika e Kosovës dhe qytetarët e saj, kemi dëshmuar dhe konfirmojmë qëndrimin dhe vendosmërinë e fuqishme që jemi luftëtarë të denjë në mbrojtje të vlerave euroatlantike të lirisë, paqes dhe demokracisë, vlera mbi të cilat qëndron NATO dhe misioni i saj.

Aleatë tanë, edhe ju vende, anëtare të NATO-s, që hezitoni në njohjen e realitetit shtetëror të Republikës së Kosovës, Mos hezitoni më!?, ka shkruar Mehaj.





Lajmet e fundit nga