Shoqata “Aleks Xinxa” dhe (pa)drejtësia shqiptare…

21 Shkurt 2022, 15:23, Sport CNA

Personazhi i Aleks Xinxës është shumë i njohur për shqiptarët që kanë lindur pas viteve 80-të. Por, për ata që kanë lindur pak më vonë duhet sqaruar se Aleksi ishte Kryetari i Partisë Komuniste arrestuar nga fashistët dhe përpos gjithë presioneve përbetohej se ishte Kryetari legjitim i Partisë se e njihte gjykata.

Nëse kthehemi në ditët e sotme, duke analizuar ngjarjet që kanë ndodhur me Shoqatën e Tiranës, kuptojmë se vetëm koha dhe personazhet kanë ndryshuar, përfundimi është i njëjtë?

Gjithë media dhe opinioni i interesuar kanë përcjellë ngjarjet që kanë ndodhur në Asamblenë e Përgjithshme të zakonshme të Shoqatës së Tiranës. Atë ditë, një pjesë e anëtarëve qëndroi në sallë duke vijuar normalisht punimet dhe disa të tjerë dolën nga salla se kishin pretendimet e tyre. Asambleja mori vendimet e saj, të cilat u votuan dhe diskutuan, ndërkohë që atë që nuk di opinioni publik është se anëtarët e pakënaqur paskan lëvizur pak metra më lart dhe pak orë më vonë dhe paskan marë vendime të rëndësishme, të firmosura edhe nga noterë? duke krijuar shoqatën ?e vërtetë? të Tiranës, fiks Aleks Xinxa.

Në këtë mbledhje madje ishin edhe ata që administrojnë klube si Tirana dhe Partizani, por nuk i kishin emrat as Refik Halili, as Gazment Demi?Por kjo situatë qesharake, ku qenka mbledhur një shoqatë, pa prezencë mediash, pa përfaqsuesit legjitim të klubeve të njohur të kryeqytetit, ka marë trajta ligjore sepse gjyqtari Arjan Aliaj ka marë në konsideratë këtë Asamble thirrur në ilegalitet, madje pretendon se ka konstatuar edhe anëtarët e shoqatës? Kjo është drejtësia që duam?

Para pak ditësh e dëgjuam me zë dhe pa figurë se gjykatës e prokurorë, SPAK e polici nga të gjitha llojeve do turreshin në FSHF, të cilën as Zoti vetë nuk do ta shpëtonte dot, ndërkohë që sot por merren vendimet e premtuara?

Si mundet të quhet legjitime një Asamble ku Tirana e Partizani nuk përfaqsohen nga Refik Halili dhe Gaz Demi?! Si mundet të votojë si anëtar i një shoqate sportive një kryetar bashkie që mban në kundërshtim me ligjin 34% të aksioneve të Tiranës? A ka gjykatës që e çertifikon paligjshmërinë..?! Po nëse çertifikohen kaq kollaj edhe disa ?Aleks Xinxa? të tjerë, pse nuk bëjnë një Asamble të përgjithshme zgjedhore të FSHF-së, që ta legjitimojë ndonjë ?Arjan? tjetër dhe të bihem rehat të gjithë?! Madje kanë të drejtën e tyre edhe për të zgjedhur presidentin ?e vërtetë?, sepse kanë në dorë edhe gurin edhe arrën, përveç një detaji të vogël? topin e futbollit nuk e marrin dot.