E fundit!

09:13 Aktualitet

“Me FB fals, por origjinal”/ Rama thumbon Qorin, Lapajn dhe Shehajn

Kryeministri Edi Rama ka ironizuar njerëzit e infiltruar t...

Barça e Napoli ndahen në paqe, Rangers thyen me poker Dortmund

17 Shkurt 2022, 20:00, Sport CNA

Spektakël në Camp Nou, por në fund Barcelona e Napoli barazuan 1-1 në duelin e Europa League. Një sfidë shumë e bukur, me shumë raste dhe që pa italianët të shënonin të parët me anë të Zielinskit.

Katalanasit ishin në sulm gjithë kohës dhe rrezikuan shumë me Traore, Aubameyang dhe Ferran Torres. Ky i fundit ishte protagonist me rastet e humbura, por edhe me golin e barazimit, të shënuar me nëj penallti që u sinjalizua nga VAR.

Borussia Dortmund është shtangur në Gjermani nga Rangers, që triumfoi 4-2. Skocezët e zhbllokuan ndeshje me një penallti të kthyer në gol nga Tvernier, kurse Morelos për tre minuta dyfishoi. Kampionët e Skocisë shkuan në pushim me epërsinë e dy golave.

Dortmund u befasua edhe nga një gol tjetër i Rangers, këtë herë me Lundstram në fillim të pjesës së dytë. Jude Bellingham dha shenjën e parë për verdhezinjtë, që shënuan, por Morelos plotësoi ?pokerin? me golin e dytë personal.

Guerriero me një gol fantastik mban gjallë shpresat e Dortmund, që duhet të fitojë në Skoci me dy gola epërsi për ta çuar në shtesë. Fitore me shumë vlera mori Sheriff Tiraspol, që mposhti 2-0 portugezët e Braga.

Një nga ndeshjet më të bukura u luajt në Rusi, aty ku Betis mposhti 3-2 skuadrën e Zenit. Spanjollët shënuan dy gola të shpejtë me Rodriguez dhe Willian Jose, por morën kundërpërgjigjen nga Dzyuba dhe Malcom. Ekipi nga Sevilla e shënoi golin e fitores me Guardado në fundin e pjesës së parë.

EUROPA LEAGUE ? Play off, 1/16-at e finaleve

Barcelona-Napoli 1-1
Shënues: Torres (pen.) 59? / Zielinski 29?

Dortmund-Rangers 2-4
Shënues: Bellingham 51?, Guerreiro 82? / Tavernier (pen.) 38?, Morelos 41?, 54? Lundstram 49?

Sheriff Tiraspol-Braga 2-0
Shënues: Thill (pen.) 43?, Traore 83?

Zenit-Betis 2-3
Shënues: Dzyuba 25?, Malcom 28? / Rodriguez 8?, Willian Jose 18?, Guardado 41?

Asnjë rezultat i thellë në Conference League, çka i lë të hapura ndeshjet e kthimit. Slavia Prague ka triumfuar në Turqi kundër Fenerbahce, kurse PSV mposhti 1-0 Maccabi Tel Aviv me golin e realizuar nga Gakpo.

Asnjë minuë për mbrojtësin e Shqipërisë, Enea Mihaj, në duelin që PAOK e humbi në transfertë kundër danezëve të Midtjylland. Fitore për Rapid Vienna, që mposhti Vittese me rezultatin 2-1.

CONFERENCE LEAGUE ? Play off, 1/16-at e finaleve

Fenerbahce-Slavia Prague 2-3
Shënues: Pelkas 58?, Kadioglu 83? / Traore 45?, Dorley 62?, Lingr 64?

Midtjylland-PAOK 1-0
Shënues: Andersson 20?

PSV-Maccabi Tel Aviv 1-0
Shënues: Gakpo 11?

Rapid Vienna-Vitesse 2-1
Shënues: Druijf 1?, Grull 16? / Openda 74?