web counter
LEXO PA REKLAMA!

SHKARKO APP

App Store
Google Play

E fundit!

x

Biden: Putin kërkon kompromise të paarritshme

7 Shkurt 2022, 20:29, Kosova & Bota CNA

Presidenti i SHBA, Joe Biden akuzon Vladimir Putin se po kërkon nga SHBA dhe NATO kompromise të paarritshme, raporton ?Associated Press?.

Gjatë një deklarate të bërë të dielën, Biden tha se Rusia nuk do të zgjedhë diplomacinë kur vjen puna për Ukrainën sepse vazhdojnë të bëjnë kërkesa për kompromis që SHBA dhe NATO nuk do t?i bëjnë.

Kur u pyet se çfarë faktorësh po merr parasysh Putin në vendimin e mundshëm për pushimin e Ukrainës dhe përshkallëzimin e tensioni në rajon, Biden u përgjigj: ?Mendoj gjërat që nuk mund të arrijë?.

Presidenti amerikan iu referua kërkesave të Kremlinit, përfshirë veton e NATO-s ndaj Ukrainës dhe ish-vendeve anëtare të Bashkimit Sovjetik për hyrjen në aleancën ushtarake.

Këshilltari për sigurinë në Shtëpinë e Bardhë, Jake Sullivan ka paralajmëruar se Moska mund të pushtojë kur ?të dojë? Ukrainën.

Ai ka shtuar se një konflikt i tillë mund të sjellë kosto të jashtëzakonshme njerëzore.

Paralajmërimi vjen pasi 3 mijë trupa amerikane që do të zhvendosen në Lindje të Evropës kanë mbërritur në Poloni.

Nga ana tjetër rreth 86 tonë armatime amerikane kanë mbërritur në Ukrainë si përgjigje për 100 mijë trupa ruse që janë në gatishmëri në kufi.

Javën e kaluar, zyrtarë amerikanë konfirmuan se Rusia ka në gatishmëri të paktën 70% të fuqisë ushtarake.

Pritet që kjo gatishmëri të rritet deri në mesin e muajit shkurt, për t?i dhënë Putinit mundësinë për të nisur pushtimin e Ukrainës.

Në përgjigje të rritjes së tensionit, Biden përveç zhvendosjes së gati 3 mijë trupave në Lindje të Evropës, ka vënë në gatishmëri të lartë 8,600 trupa të tjera.

1 mijë trupa të tjerë janë në Gjermani dhe pritet të zhvendosen në Rumani që kufizohet me Detin e Zi, ku Rusia ka pozicionuar flotën më të madhe./euronews





Lajmet e fundit nga