web counter
LEXO PA REKLAMA!

SHKARKO APP

App Store
Google Play

E fundit!

x

Ekspertiza paraprake e aksidentit me 3 viktima në Librazhd

2 Shkurt 2022, 17:04, Kronika CNA

Pasi u fërkua me makinën që vinte përballë, drejtuesi i automjetit me tre viktima humbi kontrollin duke përfunduar në greminë.

Ky mendohet të jetë shkaku i aksidentit të ndodhur dje në rrugën Librazhd-Përrenjas, sipas ekspertizës paraprake të policisë.

?Faktor paraprak i kësaj ngjarjeje mendohet se ka qenë një humbje e ekuilibrit gjatë drejtimit të mjetit. Si rezultat i fërkimit me një mjet tjetër, i cili vinte nga Librazhdi në drejtim të Elbasanit dhe mjetit që ka përfunduar tragjikisht në aksident i cili ka lëvizur nga Elbasani në drejtim të Librazhdit?, tha Skënder Ismaili, shef i sigurisë rrugore në Policinë e Shtetit për Euronews Albania.

Vendi ku u regjistrua aksidenti fatal njihet ndryshe si ?Kthesa e Murrashi? dhe është evidentuar nga policia dhe më parë si njollë e zezë aksidentesh.

?Ky aks rrugor por dhe akse të tjera tani në kohë dimri paraqesin një rrezik të shtuar për sigurinë. Ndaj dhe apeli është për të gjithë drejtuesit e mjeteve t?i përmbahen sinjaleve rrugore të vendosura, të marrin masa për të ulur shpejtësinë për të parandaluar çdo të papritur, sepse ky është një aks rrugor ku ka dhe rënie gurësh nga lartësitë si rezultat i reshjeve?, shpjegon Ismaili.

Në pjesën më të madhe të aksidenteve policia sheh si faktor pakujdesinë e shoferëve në rrugë. Vetëm gjatë muajit janar, policia rrugore ka vendosur rreth 54 mijë gjoba në gjithë vendin./euronews





Lajmet e fundit nga