E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Firmosi me Granadën, Myrto Uzuni do të debutojë menjëherë ndaj Realit të Madridit

1 Shkurt 2022, 12:55, Sport CNA

Ishte një nga ato transferime ?alla? anglezësh, nga ato që të bëjnë të mbash frymën deri në sekondat e fundit të gongut. Granada e zyrtarizoi Myrto Uzunin në skuadrën e saj ekzaktësisht në orën 23:00, vetëm 60 minuta përpara rënies së gongut. ?Sulmuesi me origjinë shqiptare firmosi deri në qershorin e vitit 2025.

Futbollisti i ri bardhekuq ka eksperiencë në nivelin më të lartë të futbollit europian në Ligën e Kampioneve dhe Ligën e Europës dhe është një lojtar i Kombëtares shqiptare. Uzuni kaloi me sukses vizitat mjekësore dhe do t?i bashkohet skuadrës në stërvitje të martën (sot)?, thuhej në deklaratën zyrtare të Granadës, e cila e prezantoi edhe duke bërë xhonglimet e para me topin në stadium.

Pak çaste përpara zyrtarizimit, erdhën edhe falënderimet e Ferencvaroshit, të cilët fitimin neto nga shitja e lojtarit e kanë 2.2 milionë euro. Nga ky transferim përfitojnë edhe klubet shqiptare, Apolonia dhe Laçi, ekipet që e kanë pasur futbollistin pjesë të tyre deri në moshën 23 vjeç.

Ato do të arkëtojnë 3% të vlerës së transferimit të kartonit, që i bie diku te rreth 90 mijë euro. Granada mendohet të ketë paguar 3 milionë euro për kartonin e tij. Uzuni u bë transferimi i tretë i Granadës në merkaton e dimrit pas atij të fantazistit Aleks Kojado (në formë huazimi nga Barcelona) dhe mesfushorit serb Njegos Petroviç, i cili u transferua nga Crvena Zvezda.

Uzuni shkëlqeu me Ferencvaroshin ku shënoi 36 gola dhe dha 14 asiste në 67 ndeshje. Ndërsa klubi ku po shkon, Granada, renditet në vend të 14-të në La Liga këtë sezon.

Pas 22 javësh ata kanë grumbulluar 24 pikë dhe duhet të vazhdojnë ende të punojnë për të siguruar mbijetesën, duke qenë se janë vetëm +6 pikë nga Kadizi i vendit të 18-të.

Në La Liga Uzuni do të zgjerojë hartën e legjionarëve shqiptarë, ku militojnë edhe Bare tek Espanjoli dhe Balliu te Vajekano. Sulmuesi 26-vjeçar nuk mund të kishte shpresuar në një debutim më të bukur.

Karriera e tij në La Liga mund të nisë si në ëndrrat më të bukura, në ?Santiago Bernabeu? kundër Realit. Madrilenët do të presin Granadën në 6 shkurt, ora 21:00.