E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Lulin tek Luca e pret furriku i pulave

31 Janar 2022, 17:07, Aktualitet CNA

Loja politike dhe mediat përhapin edhe lajme fake, janë strategji për të treguar se ka pazare mes palëve, takime etj, por kur ato bëhen jo në formën e duhur, këto strategji mediatike kthehen në qesharake dhe totalisht të pabesueshme.

Sipas një lajmi të dhënë së fundmi në Syri.net, një portal i njohur si imazh i fortë opozitar, dhe kundër aleancës Rama-Basha, së fundmi ka thënë se është zhvilluar një takim në Fish City, ku ka qenë i pranishëm në takim Erion Veliaj, Taulant Balla, Edi Rama dhe Gjergj Luca. Këtu i pranishëm ka qenë edhe Lulzim Basha.

Tani atje në tavolinë mund të shtojnë para tre javësh te Luca edhe Joe Biden, mund të shkojë Donald Trump, mirë do ishte që të kishim edhe ndonjë këtej nga Greqia, Italia, ndonjë Silvio Berlusconi, mund të ishte Samaras kryeministri grek, mund të vinte edhe Vuçiç dhe të bëhej një tavolinë e madhe. Tani e kanë bërë që e kanë bërë gënjeshtrën, le ta shtojnë se nuk prish ndonjë punë, se mud të diskutoheshin edhe çështjet globale ndoshta në tërësi, G8 apo G20, se kjo punë kështu shkoj.

Kjo jo për të mbrojtur Gjergj Lucën apo për ti bërë avokatinë Lulzim Bashës apo Edi Ramës, por për të thënë se do duheshin ca gjëra të ishin më të vërteta dhe më të besueshme, pasi Lulzim Basha mund të shkojë te Gjergj Luca, por si klient dhe qytetar, mund ta respektojnë me bashkëshorten dhe fëmijët do jetë i mirëpritur, por që të bëjë ndonjë takim politik, vështirë do ta ketë se minimumi, do përfundojë te furriku i pulave. Gjergj Luca edhe pse njihet si mik i Edi Ramës, ndryshe nga shumë biznesmenë dhe personazhe të tjerë të jetës publike në Shqipëri nuk fshihet.

Tek furriku i pulave do ta kishte vendin Luli po të shkonte për politikë tek Fish City, apo për marrëveshje të tjera, ndryshe nga të tjerë.

Luca nuk e fsheh që e ka mik, e ka shok Edi Ramën, janë rritur bashkë e të tjera si këto, por të ngresh intriga për shkak të miqësisë që ka biznesmeni me kryeministrin e aty pastaj të shtosh Lulin, Lalin dhe Taulant Ballën këto nuk i shkojnë kujt. Për më tepër, lindin disa pyetje: Pse duhet Taulant Balla tek Fish City, kur Edi Rama e ka hequr nga Elbasani?

Nga ana tjetër, pse duhet të kishte Edi Rama dhe Veliajn në takim? Apo nuk e bënte dot takimin tek për tek dhe ti jepte urdhër Lalit? Po Lucën përse duhet ta mbanet apo që Luca ti thoshte të gjithë Shqipërisë? Të dilte të qeshte, ta merrte vesh dhe OKB se çfarë kishte ndodhur?

Ndaj dhe këto stilet mediatike për të hapur fake news të cilat dëmtojnë politikisht kur bëhen në mënyrë të gabuar, në fakt kthehen në boomerang dhe furriku i pulave për Lulin atje është, mund të shkoj ta marrë kur të doje po të shkojë vetë ose mund të jetë i mirëpritur në restorant bashkë me familjen e tij si të gjithë qytetarët shqiptarë./E.K-CNA.al