Nga Dr. Blerta BRATI/ Ç’do të thotë të kalosh një pandemi në kohë moderne?

26 Dhjetor 2021, 15:36, Lifestyle CNA

Që nga fillimi i shekullit të 20-të, bota ka vërejtur tetë pandemi me përmasa dhe pasoja të ndryshme:

Gripi spanjoll (1918-1920)

Gripi aziatik (1957-1958)

Gripi i Hong Kongut (1968-1970)

SARS (2002-2003)

Gripi A (H1N1) (2009-2010)

MERS (2012-?)

7.Ebola (2014-2016)

Covid-19 (2020-?)

Pandemitë e tjera kanë kaluar historinë dhe kanë sjellë me vete miliona vdekje (murtaja e Justinianit, lebra, murtaja e zezë, etj.). Por të dhënat atëherë nuk ishin aq të sakta sa sot dhe konteksti historik është i vështirë për t’u krahasuar.

Asnjëherë në të kaluarën nuk kemi parë një përgjigje kaq të rëndësishme dhe të shpejtë shkencore dhe shëndetësore. Mund të kujtohet se vetëm në vitin 1933 u izolua virusi i gripit spanjoll të vitit 1918.

Gjërat shkuan më shpejt me HIV, por jo aq shumë sa me COVID-19. Rastet e para të SIDA-s u shfaqën në qershor të vitit 1981 dhe deri në vitin 1983 u identifikua virusi në fjalë dhe në 1984 u sekuencua.

Me SARS-CoV-2, gjithçka shkoi me një shpejtësi të jashtëzakonshme. Sekuenca e virusit u zbulua në mes të janarit 2020, një muaj pas shfaqjes së rasteve të para. Dhe në pak muaj janë botuar disa mijëra artikuj mbi këtë koronavirus. Fillimisht, askush nuk mund ta imagjinonte se një vaksinë efektive do të ishte në dispozicion në më pak se një vit. Ardhja e vaksinave të ARN-së ishtë një risi revolucionare duhet thënë!

Gjithashtu:

Të gjitha pandemitë kanë provokuar fenomene të frikës kolektive, natyrisht në shkallë të ndryshme.

Pandemitë gjithashtu kanë shkaktuar gjithmonë pjesën e tyre të thashethemeve ose informacioneve krejtësisht të gabuara. Nuk mund t’i shpëtojmë dot sot. Madje, dukuria është dhjetëfishuar me daljen e rrjeteve sociale ku çdokush mund të flasë e të thotë gjëra të rreme ose krejtësisht fantastike. Gjithmonë do të gjeni njerëz për t’u dhënë atyre kredi.

Në një situatë si kjo, është shumë e rëndësishme që gjithmonë të shtrohet pyetja se kush po flet dhe nga cilat burime. Është një refleks i domosdoshëm edhe nëse në fund të fundit është shumë e vështirë të kundërshtosh fjalimet e pavërteta apo thashethemet e pabaza. Sepse e gjithë kjo qarkullon mes njerëzve që janë të bindur se janë të vetmit që kanë një të vërtetë që ne do të donim ta fshehim.

Ajo që shfaqet edhe me pandeminë aktuale është mungesa e kulturës shkencore të një pjese të mirë të popullsisë dhe gjithashtu të shumë drejtuesve politikë.

Ajo që duhet kuptuar është se një virus nuk kërkon të vrasë speciet njerëzore, por thjesht të mbijetojë. Ajo që është pak shqetësuese për COVID-19 është fakti se virusi vazhdon të qarkullojë në mbarë botën, duke evoluar në valë të njëpasnjëshme me variante gjithnjë e më ngjitëse, por, tani për tani, pa virulencë të shtuar. Kjo ilustrohet nga shfaqja e fundit e variantit të virusit , nga Omicron, e ardhmja e të cilit është ende e pasigurt.

Ndërsa njerëzit bëhen më të imunizuar globalisht, SARS-Co-V2 mund të bëhet sezonal dhe endemik, duke humbur gradualisht virulencën e tij.

Por, e përsëris, duhet të jemi shumë të kujdesshëm dhe të shmangim parashikimet tepër të sigurta mbi evoluimin e pasigurt të kësaj pandemie të qëndrueshme.