web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Këlliçi paralajmëron Veliajn: Nuk do ta falim gjakun e Ardit Gjoklajt

20 Dhjetor 2021, 16:28, Aktualitet CNA

Deputeti Belind Këlliçi, gjatë fjalës së tij në protestën para kryeministrisë ka hedhur ndaj kreut të qeverisë Edi Rama.

Këlliçi deklaroi se Rama mund ta ketë Vuçiçin mikun e tij të zemrës, por shqiptarët nuk mund ta pranojnë si të tillë, ministrin e Millosheviçit.

Ndërkaq, ai u ndal dhe tek afera e inceneratorëve për të cilën është arrestuar aktualisht ish-ministri Lefter Koka.

“Edi Ramës i bëj një thirrje, Vuçiçin mund ta kesh mikun tënd të zemrës, por në asnjë mënyrë nuk mund t’ua shesësh shqiptarëve për mikun e Shqipërisë. Ministrin e Millosheviçit nuk mund ta pranojnë shqiptarët për mik të Shqipërisë. Edi Rama, e vetmja masë që ke marrë sot është që ke hequr kërpudhën nga Kryeministria.

 Mos u shqetëso, nuk e ka kush me kërpudhën, e kemi me rrënjën e të keqes dhe korrupsionit në Shqipëri që ka një emër dhe quhet Edi Rama. Ne ty do të të heqim me rrënjë dhe themel nga qeveria, të cilën e ke përdorur vetëm për t’u pasuruar vetë dhe për të dëbuar shqiptarët nga vendi.

Dy fjalë i kam dhe për kryebashkiakun e Tiranës. Gjakun e Ardit Gjoklajt nuk do e falim. Afera e inceneratorit të Tiranës e ka fillimin tek gjaku i Ardit Gjoklaj. Mbrapa inceneratorëve mund të jetë për momentin i arrestuar ish-ministri, apo në kërkim Mirel Mërtiri, apo Klodian Zoto, por pronari i inceneratorëve ka vetëm një emër dhe ai është Edi Rama?, u shpreh Këlliçi./CNA.al





Lajmet e fundit nga