web counter
LEXO PA REKLAMA!

SHKARKO APP

App Store
Google Play

"Lajthitjet" e Bashës/ Kryetari i shkarkuar në delir

13 Dhjetor 2021, 10:07, Politikë CNA

Pasi Kuvendi Kombëtar i mbledhur në 11 Dhjetor, e shkarkoi nga detyra e kryetarit, duket se ?lajthitjet? e Lulzim Bashës nuk kanë të sosur.

Në tentativat e tij për të vijuar të mbahet pas karriges së kryetarit, një ditë më parë, Lulzim Basha zhvilloi të ashtuquajturën mbledhje e Këshillit Kombëtar, e cila në fakt rezultoi të ishte ?nul? për shkak se Basha nuk kishte kuorum.

Por, sikur mos mjaftonte kjo, Basha vijon shfaqjen duke shpërndarë nëpër media, edhe një të ashtuquajtur ?rezolutë?, që sipas tij është miratuar unanimisht.

I gjendur në delir, i kapur fort pas vulës dhe karriges, Basha pretendon se Këshilli Kombëtar ka miratuar rezolutën e propozuar nga kryesia e PD kundër lëvizjes dhe veprimeve anti-statutore, qe sipas tij u moren ne Kuvendin e 11 Dhjetorit.

Po ashtu, thuhet se Këshilli Kombëtar konfirmoi unanimisht se lufta kundër korrupsionit dhe pandëshkueshmërisë në sferat e larta është një element kyç për vendosjen e shtetit të së drejtës dhe integrimin e vendit në BE.

“Me votim të fshehtë dhe pasi konstatoi thyerje flagrante statutore dhe ligjore, Këshilli votoi shkarkimin nga funksionet partiake të emrave të propozuara nga Kryesia e Partisë Demokratike.”-thuhet ne njoftim.

Ndërsa më pas, Basha mblodhi edhe ata deputetë që i kanë mbetur nga grupi parlamentar, të cilëve u ka kërkuar që të vijonë ?shfaqjet?, dhe aktivitetin parlamentar të javës ta ndërthurin me aktivitetin përgatitor në strukturat e Partisë në lidhje me përgatitjet për Kuvendin qe pretendohet se do te zhvikllohet ne 18 dhjetor.

Edhe pse i shkarkuar me votën e mbi 4 mijë delegatëve, Basha vijon të këmbëngulë tek 18 dhjetori. Ai e cilëson 18 dhjetorin si një ditë vendimtare për të ardhmen e PD. Sipas tij, në Kuvendin e 18 dhjetorit do të merren vendime të rëndësishme./CNA.al





Lajmet e fundit nga