Shkarkimi i Bashës/ Gazetari: Tregues i demokracisë, SHBA më e madhe se Kim dhe Escobar

12 Dhjetor 2021, 15:02, Politikë CNA

Gazetari Robert Papa ka komentuar Kuvendin Kombëtar të mbajtur nga ish kryeministri Sali Berisha ditën e djeshme, ku u vendos me votën e demokratëve shkarkimi i kryetarit të PD Lulzim Basha, sekretarit Gazement Bardhi dhe nënkryetarëve të PD.

Në një intervistë televizive, ai u shpreh se pjesëmarrja e djeshme tregoi qartë se demokracia prevalon me votë dhe se ata kanë të drejtë të flasin.

Sipas Papës, shqiptarët nuk janë antiamerikanë, për arsye se Berisha ka një problem personal me DASH dhe këtë ka vendosur ta zgjidhë përmes gjyqit.

?Natyrisht si çdo shqiptar që jeton jashtë Shqipërisë ndjekim çdo gjë që ndodh dhe gjithkush këtu ka një pozicionim, majtas apo djathtas. Ajo pjesëmarrje tregon se demokracia prevalon me votë dhe ata kanë të drejtë të flasin. Nuk vendosin burokratët qoftë kjo edhe këtu në SHBA. Ndaj ishte një mesazh i madh edhe pse u bë një trysni presioni. Pra shqiptarët nuk janë antiamerikan. Berisha ka problem personal me departamentin amerikan të shtetit, do e zgjidhë përmes gjyqit.

Por një hapje e PD, do ishte sinjal edhe për hapjen e PS. Këtu në SHBA askush nuk e di kush është kryetarja i partisë demokrate, nuk zgjidhet me një anëtar një votë. Në përgjithësi zgjidhet një kongresmen dhe ka një bord drejtues. Kjo parti organizon konventën, ruan konservatorizmin. Ajo ditë kur të kemi parti të këtij stili do kemi lajm të mirë për të gjithë?, tha ai.

Gazetari komentoi më tej edhe qëndrimet e ambasadores Yuri Kim dhe të dërguarit të SHBA Gabriel Escobar, duke u shprehur: ?Amerika është më e gjerë dhe e madhe se Yuri Kim dhe Escobar. Berisha nuk është budalla. Ai e ka bërë këtë betejë. Ky është stili Berishës se e ka kuptuar se pushteti është në senat dhe sulmi ndaj tij ka qenë i ashpër. Berisha nuk ka thënë asgjë kundër Amerikës. Edhe me aleatin e madh strategjik mund të kemi përplasje pasi në fund të fundit demokracia është votë, vetë amerikanët na e kanë mësuar. Fitues në këtë moment për mua është Berisha. Edhe pse ai mund të mos jetë fare kryetar është fitues për faktin se po largon një grupim që se duan shumica?./E.K-CNA.al