E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Artan Hoxha zbulon shifrën e frikshme/ Ja sa shqiptarë punojnë në parcelat e kanabisit

10 Dhjetor 2021, 12:45, Kronika CNA

Pas konferencës për shtyp të Policisë së Shtetit me autoritetet italian, gazetari investigativ Artan Hoxha është shprehur se mund të jetë bërë sekuestrimi i shumë parcelave të kanabisit, por e vërteta është se prodhimi është rritur shumë dhe mund të gjesh kudo lëndë narkotike.

I ftuar në Abc news, Hoxha ka zbuluar se në parcelat e kanabisit mund të jenë të punësuar rreth 20 mijë punëtorë.

?Doja të dhëna më të sakta por ato që më ngelen janë 70 fluturimet dhe janë identifikuar 1119 parcela që dhe domate po të ishin do të ndikonin në çmimin e tregut të shumicës së perimeve jo më kur flasim për plantacionet e kanabisit. Duhet të mendojmë sa para janë hedhur, sa punëtorë kanë qenë aty dhe unë që e kam idenë është një shifër e frikshme që shkon rreth 20 mijë shqiptarë që janë marrë me kultivimin e lëndëve narkotike. Shpesh thuhet se nuk duhet të merremi me to se sigurojnë bukën e gojës, por harrojnë se ato e shesin në dyert e shkollave dhe shkatërrojnë fëmijët tanë.

Ne fillim ato ishin në shkollat e larta, kaluan te e mesmja dhe sot kemi dhe në shkollat 9-vjeçare që në fillim për ti tërhequr ua japin edhe falas. Tashmë është shumë e lehtë që të gjendet kanabis, dhe për këtë nuk është e nevojshme që të kemi raportim nga autoritetet italiane pasi një gjë që ka shumë prodhim trego se gjendet dhe shumë lehtë.

U dha një shifër prej 92 mijë rrënjësh që janë asgjësuar, dhe një shifër e madhe e asgjësuar por një shifër e vogël krahasuar me sipërfaqet. Është e dhënë e rëndësishme monitorimi që bëhet nga ajri, por nuk më pëlqen elementi se në territorin italian nuk është kapur asnjë kg kanabis?, ka thënë Hoxha.

Hoxha ka nënvizuar se monitorimi nga avionët italian nuk e ka ndaluar kultivimin e parcelave të kannabisit.

Sipas gazetarit në vendin tonë është futur ?Gorilla?, një farë spanjolle e cila për 60 ditë jep prodhimin e saj.

Më tej ai tregon se parcela e fundit që ai ka filmuar është në fillim të korrikut dhe se ashtu siç policia përpiqet që të monitorojë nga ajri, janë dhe grupet kriminale që marrin informacion dhe dinë dhe itinerarin e lëvizjes së avionëve.

?Por pamjet tregojnë të kundërtën, ?Gorilla? është një fare e re e ardhur nga Spanja që ka efekt 25 % te përdoruesit më shumë se ajo e vjetra, ka çmimin më të lartë dhe vegjetacion shumë të shkurtër për 60 ditë ti merr prodhimin ndërsa fara tjetër donte 5-6 muaj. Kjo është një farë e futur sivjet dhe unë këtë e kam konstatuar brenda afatit që ka lënë kryeministri që kanë 100 ditë kohë, dhe nga momenti që e tha kryeministri për 60 ditë kjo është kultivuar dhe është marrë prodhimi. Kjo krijon një problem me të dhënat e dhëna nga Guarda Di Financa. Ato që kanë plantacion kanë dhe informacion për monitorimin ajror, pasi avioni që vjen nga Italia e ka një plan se ku do të fluturojë, dhe trafikantët e monitorojnë avionin.

Pajisja që ka avioni skanon në vertikal, kalon aty dhe e skanon. Parcela që kam nxjerrë unë ndodhet në një zonë të pyllëzuar në një zonë me pyll halor dhe në momentin që ka kaluar avioni dhe është bërë monitorimi kjo zonë figuronte livadh. Në korrik kur avioni ka kaluar aty ka qenë livadh më pas është kultivuar kjo bimë. Ashtu siç policia përpiqet që të sofistikojë pajisjet, krimi i organizuar është në pararojë të saj. Ato nuk e ruajnë si më parë me pushke, por me pajisje. Gjatë verës unë kam theksuar se në malet ku është kultivuar kanabis nuk kishte kanabis, Shqipëria në jug u dogj por nuk kishte kanabis. Djegia e masiveve pyjore u krijonte problem për zbulimin e parcelave ndaj përdornin çdo lloj mënyrë për të shuar zjarrin?, tha më tej Hoxha./ A.E-CNA.al