web counter
LEXO PA REKLAMA!

SHKARKO APP

App Store
Google Play

31 vjet nga Lëvizja Studentore që çoi në rrëzimin e diktaturës/ Sot përkujtohet 8 dhjetori, Dita Kombëtare e Rinisë

8 Dhjetor 2021, 07:37, Aktualitet CNA

Me thirrjen ?E duam Shqipërinë si e gjithë Evropa?,  31 vjet më parë në mbrëmjen e 8 dhjetorit 1990, filloi lëvizja studentore në Qytetin Studenti, e cila ka hyrë në historinë e re të Shqipërisë si Lëvizja e Dhjetorit, që shënoi fundin e regjimit 46-vjeçar komunist dhe lindjen e demokracisë.

Lëvizja Studentore do të vijonte me organizime e protesta edhe në ditët e para të vitit 1991 deri në ditët e grevës së urisë, kulmuar  mesditën e 20 shkurtit 1991, kur Studentët të mbështetur nga pedagogët dhe shumë qytetarë të Tiranës,  zbarkuan në sheshin Skënderbej, duke rrëzuan përfundimisht diktaturën komuniste dhe duke sjellë për shqiptarët lirinë e  munguar gjatë pothuaj gjysmë shekulli.

Akti i tyre publik, sa qytetar aq edhe politik, i dha fund në mënyrë paqësore epokës të gjatë të vetëizolimit dhe të sundimit ideologjik, duke i hapur kështu rrugën e ekonomisë së tregut dhe shoqërisë së hapur.

Ata u bënë iniciatorë e kthesës së madhe historike të vendit, duke u ngritur në protesta që sollën rënien e sistemit komunist dhe ardhjen e demokracisë.

Me shprehjen ?E duam Shqipërinë si gjithë Evropa?, ata kërkuan ngritjen e sistemit të vlerave perëndimore dhe të shtetit të së drejtës; integrimin në Evropë dhe garantimin e pluralizmit politik si bazë kryesore për një shoqëri të lirë e demokratike.

Nisur nga rëndësia dhe mesazhi i asaj dite, Kuvendi i Shqipërisë në vitin 2009, e shpalli  8 Dhjetorin feste zyrtare duke e emërtuar ?Dita Kombëtare e Rinisë?.  Krahas studentëve nga e gjithë Shqipëria, pjesë e rëndësishme e kësaj lëvizjeje ishin edhe studentët nga Shkodra si Arben Broci, Dëshmor i Demokracisë, Shinasi Rama, Tefalin Malshyti, Arben Lika e tjerë.





Lajmet e fundit nga