Skandali-Rama dhe Basha “ngatërrojnë” rolet/ Si po tallen me qytetarët

4 Tetor 2021, 08:29, Politikë CNA

Një ditë më parë, kryeministri Edi Rama doli në një konferencë për mediat, ku paralajmëroi se ?po vjen një krizë energjitike, se çmimet do të kenë rritje marramendëse?.

?Kjo, është kriza e jashtëzakonshme energjitike, e cila vetëm sapo ka nisur, të japë shenjat e saj tejet shqetësuese në tregjet e mëdha të botës, duke nisur nga Kina e Koreja e Jugut, në Amerikë, në Britaninë e Madhe dhe në hapësirën e Bashkimit Europian, e deri në vendet fqinje, si Italia e Greqia.

Temperatura e kësaj krize po rritet kudo, tanimë me orë jo me ditë, ndërkohë që ulja e temperaturave të motit, po afron bashkë me dimrin dhe me rritjen e natyrshme të nevojës edhe për ngrohje.?-tha ndër të tjera Rama. cna lajme ekonomi

Por, në vendin tonë duket se ndodhi çudira. Edi Rama është ndoshta kryeministri i vetëm në botë, që del e paralajmëron qytetarët e vendit të tij, se ?po vjen kriza?.

Në fakt detyra e një Qeverie nuk është të paralajmërojë qytetarët e saj se ?po vjen kriza?, por është detyra e saj t?i paraprijë situatës, të mirëmenaxhojë burimet, financat etj, që kjo krizë për të cilën Rama thotë se po përhapet në mbarë botën, të mos rëndojë direkt mbi kurrizin e qytetarëve.

E në vend që të dalë nëpër media e të ulërasë ?obobo gogoli?, do të kishte qënë më mirë që kreu i Qeverisë të merrte masa, sepse nuk u shpik sot ngrohja globale.

Si ka mundësi që del para kryeministri e flet e thotë se po vjen krizë energjitike, ndërkohë që në fakt kjo është detyra e Opozitës.

Apo Opozita ka ca punë të tjera? Se ashtu i ka hallet kreu i PD-së, Lulzim Basha?

Ky i fundit, doli dje në një deklaratë për mediat, pas konferencës së kryeministrit, ku vijoi me shoën e radhës, me disa të ashtuquajtura ?pika?, që ia propozon Ramës.

Por, pse deri në këtë moment nuk kishte asnjë paralajmërim nga Opozita?

Opozita nuk ka ekspertë? Nuk ka ekonomistë?

Kjo është një temë e cila në fakt do të duhej të ishte kauzë e Opozitës, sepse rrezikohen financat publike të vendit.

Dhe nëse do të kishim një Opozitë, që vërtetë kërkon t?i bëjë opozitë Qeverisë, që kërkon të mbrojë interesat e qytetarëve të vendit të saj, tashmë do të duhej të ishin në këmbë.

Nuk mund të presë Basha të dalë Rama të thotë se erdhi kriza, e pastaj ky të “zgjohet nga gjumi” pas disa orësh e të thotë ?hë se unë kam ca pika?.

Kjo nuk është të bësh Opozitë. Kjo është vetëm show dhe fasadë./CNA.al

?Jemi para një sprove të re?/ Rama paralajmëron qytetarët

Paralajmërimi i Ramës për krizën/ Basha zbulon planin me 7 pika