web counter
LEXO PA REKLAMA!

SHKARKO APP

App Store
Google Play

Cavani te Reali? Mund të ndodhë që në janar

3 Tetor 2021, 10:56, Sport CNA

?Mund të ndodhë?. Janë vetëm dy fjalë, por sintetizojnë shumë gjëra. Edinson Cavani aktualisht është pjesë e Manchester United, por e ardhmja e tij mund të jetë më Madrid. Përfaqësuesit e sulmuesit uruguaian pranuan për mediet spanjolle se 34-vjeçari mund të zbarkojë që në janar në ?Santiago Bernabeu?. Është thjesht një mundësi, por që lehtësisht mund të bëhet realitet pas disa muajsh.

Cavani mbërriti te ?Djajtë e Kuq? sezonin e kaluar pas shtatë vitesh radhazi te Paris Saint Germain. Edhe pse largimi i tij i mundshëm nga ?Old Trafford? u përmend verën e kaluar, klubi anglez e konfirmoi për një vit tjetër. Mirëpo mbërritja e Cristiano Ronaldos, një numër 9 fiks, e eklipson Cavanin, kështu që hapet një skenar tjetër.

Cavani ka luajtur shumë pak në këtë fillim të Premier League dhe Ligës së Kampionëve. Ende nuk është aktivizuar për 90 minuta të plota. Këtë të shtunë, e nisi titullar ndaj Evertonit, pati një shans të rëndësishëm me kokë dhe u zëvendësua në minutën e 57-të nga Cristiano.

Tashmë është nisur drejt vendlindjes për të dhënë kontributin e tij në përfaqësuese në ndeshjet eliminatore të Botërorit.

?Futbolli është shumë dinamik,? vijon më tej përfaqësuesi i Cavanit. Duhet të presim deri në janar, por ndoshta ëndrra e Edit për të luajtur në Spanjë më në fund mund të kristalizohet me bashkimin e tij me Realin e Madridit.





Lajmet e fundit nga