web counter
LEXO PA REKLAMA!

SHKARKO APP

App Store
Google Play

E fundit!

x

Gjiknuri takim me delegacionin e ODIHR/ Gati të ulemi në tryezë me opozitën për reformën zgjedhore dhe territoriale

29 Shtator 2021, 13:58, Politikë CNA

Sekretari i Përgjithshëm i PS, Damian Gjiknuri ka zhvilluar një takim “kokë më kokë” me një delegacion të ODIHR, kryesuar nga ambasadorja Urszula Gacek.

Gjiknuri i ka falenderuar për kontributin e tyre në procesin zgjedhor dhe në monitorimin e tyre para zgjedhjeve.

Sekretari i Përgjithshëm i PS, ka treguar gatishmërinë për tu ulur në tryezë me opozitën me synim adresimin e të gjitha rekomandimeve të lëna nga raportet e OSBE/ODIHR-it, përfshirë nevojë për depolitizimin e administratës zgjedhore.

Ai thekson se PS është e gatshme të ulet në tryezë dialogu me opozitën si për reformën zgjedhore ashtu edhe për atë territoriale.

?Pata kënaqësinë të pres në takim një delegacion të ODIHR-it kryesuar nga ambasadorja Urszula Gacek, shefe e misionit vëzhgues për zgjedhjet parlamentare të 25 Prillit.

I falenderova për kontributin e tyre si në procesin e hartimit të reformës elektorale përpara zgjedhjeve ashtu edhe në monitorimin e mëpasshëm të procesit zgjedhor.

Duke e vlerësuar si shumë të rëndësishëm për procesin e dialogut politik rikthimin e opozitës në institucione, shpreha gadishmërinë e mazhorancës për tu ulur sa më parë në tryezë me opozitën me synim adresimin e të gjitha rekomandimeve të lëna nga raportet e OSBE/ODIHR-it, përfshirë nevojë për depolitizimin e administratës zgjedhore.

Dialogu politik brenda institucioneve ka raste të shumta suksesi të kryerjes së reformave të rëndësishme bipartizane. Në këtë frymë, Partia Socialiste është e gatshme të ulet në tryezë dialogu me opozitën si për reformën zgjedhore ashtu edhe për atë territoriale?, ka thënë Gjiknuri./ CNA.al





Lajmet e fundit nga