Me shpejtësi "skëterrë" dhe të alkoolizuar/ Policia ndëshkon mijëra shoferë

13 Shtator 2021, 13:34, Kronika CNA

Policia Rrugore ka vijuar kontrollet në të gjitha rrugët e vendit përgjatë fundjavës, me qëllim parandalimin e aksidenteve.

Si rezultat i kontrolleve të kombinuara, përgjatë fundjavës janë arrestuar në flagrancë 33 drejtues mjetesh, nga të cilët 18 për drejtim mjeti në gjendje të dehur dhe 15 për drejtim mjeti pa leje drejtimi.

Policia njofton se janë pezulluar 176 leje drejtimi, nga këto 111 për shpejtësi tej normave të lejuara, deri në 214 km/h në Bypass-in e Fierit, 60 për drejtim mjeti në efektin e alkoolit dhe 5 për qarkullim në sens të kundërt.

Gjithashtu, janë ndëshkuar me masë administrative 4123 drejtues mjetesh, për shkelje që janë rrezik potencial për përfshirje në aksidente rrugore.

?Si rezultat i kontrolleve të kombinuara nga Policia Rrugore, Patrullat e Përgjithshme dhe ?Shqiponjat?, përgjatë fundjavës janë arrestuar në flagrancë 33 drejtues mjetesh, nga të cilët 18 për drejtim mjeti në gjendje të dehur dhe 15 për drejtim mjeti pa leje drejtimi.

Janë pezulluar 176 leje drejtimi, nga këto 111 për shpejtësi tej normave të lejuara, deri në 214 km/h në Bypass-in e Fierit, 60 për drejtim mjeti në efektin e alkoolit dhe 5 për qarkullim në sens të kundërt.

Gjithashtu janë ndëshkuar me masë administrative 4123 drejtues mjetesh, për shkelje që janë rrezik potencial për përfshirje në aksidente rrugore.

Ndërkohë, në zbatim të planit të masave për kontrollin e automjeteve që transportojnë shtetas të huaj, me qëllim dhënien ndihmë për kalim të paligjshëm të kufirit, nga Njësia për Sigurinë e Autostradës Milot-Morinë është kapur në flagrancë një drejtues mjeti që transportonte disa shtetas të huaj, emigrantë nga vendet e treta, me qëllim kalimin e paligjshëm të kufirit, me destinacion final një nga vendet e BE-së.

Policia e Shtetit, nisur dhe nga fakti se ka akoma fluks të shtuar në akset rrugore në drejtim të zonave bregdetare dhe në kthim, sidomos në drejtim të Tiranës dhe Morinës, apelon për të gjithë drejtuesit e automjeteve, vendas dhe të huaj, që të zbatojnë me rigorozitet sinjalistikën rrugore, pasi në të gjitha rrugët e vendit ka radarë dhe prezencë të Policisë Rrugore, të pajisur edhe me dronë, dragera, kamera e aparate fotografike”, njofton policia. / CNA.al