web counter
LEXO PA REKLAMA!

SHKARKO APP

App Store
Google Play

Kafeja ndër pijet më të konsumuara në botë/ A ndikon konsumi i rregullt në shëndetin kardiovaskular

11 Shtator 2021, 18:58, Lifestyle CNA

Të pish deri në tre filxhanë kafe në ditë, sipas hulumtimit të fundit nga Shoqata Evropiane e Kardiologjise, ndihmon në shëndetin e zemrës.

?Sipas nesh, ky është studimi më i madh për të vlerësuar në mënyrë sistematike efektet kardiovaskulare pas konsumimit të rregullt të kafesë në një popullatë pa sëmundje kardiovaskulare?, u shpreh autori i studimit Judit Simon, nga Qendra për Zemrën dhe Sëmundjet Kardiovaskulare, Universiteti Semmelëeis, në Budapest, Hungari.

Ai tregon se rezultatet tregojnë që konsumi i rregullt i kafesë është i sigurt dhe se marrja e sasisë së madhe të kafes në ditë nuk  është e lidhur me probleme kardiovaskulare.

Ky studim hetoi lidhjen midis marrjes së zakonshme të kafesë dhe sulmit në zemër. Studimi përfshiu 468,629 pjesëmarrës të Biobank në Mbretërinë e Bashkuar pa shenja të sëmundjeve të zemrës. Mosha mesatare ishte 56.2 vjeç dhe 55.8% ishin gra.

Pjesëmarrësit u ndanë në tre grupe sipas marrjes së tyre të zakonshme të kafesë: asnjë (nuk ka konsumuar kafe në baza të rregullta, 22.1%), i lehtë deri në mesatar (0.5 deri në 3 filxhanë në ditë, 58.4%) dhe i lartë (më shumë se 3 gota/ditë, 19.5%).

Studiuesit i kontrrolluan analizat të lidhura edhe me fakrorë të tjerë si: mosha, gjinia, pesha, gjatësia,konsumimi i duhanit, aktivitetin fizik, presionin e lartë të gjakut, diabetin, nivelin e kolesterolit, statusin socio-ekonomik dhe konsumimin e alkoolit, mishit, çajit, frutave dhe perime.

Krahasuar me ata që nuk pinë kafe, konsumi i lehtë deri në mesatar u shoqërua me një rrezik prej 12% më të ulët të vdekjes nga të gjitha shkaqet, 17% më i ulët rreziku i vdekjes nga sëmundjet kardiovaskulare dhe 21% më pak rrezik për goditje në tru.

?Analiza e imazhit tregoi se në krahasim me pjesëmarrësit që nuk pinin kafe rregullisht, konsumatorët e përditshëm kishin zemra më të shëndetshme dhe funksiononin më mirë. Gjetjet tregojnë se konsumi i kafesë deri në 3 gota në ditë shoqërohet me rezultate të favorshme kardiovaskulare,? kanë argumentuar studiuesit./ CNA.al





Lajmet e fundit nga