E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Berisha nuk mund “t’i lajë duart” si Pons Pilati, me Luli Bashën

7 Shtator 2021, 08:08, Politikë CNA

Ish-kryeministri Sali Berisha në një dalje televizive në Euronews Albania, me Erla Mëhillin, në emisionin ?Now?, për herë të parë pas disa muajsh të një vendimi ekstrem dhënë nga Departamenti Amerikan i Shtetit dhe Sekretari Blinken, që e shpalli atë non-grata, ka folur ?pa dorashka?. Deri diku, pasi shpesh Berisha rezervon t?i heqë të gjitha ?dorashkat?, që mban në duart e tij.

Dje, ish-kryeministri tha qartazi se në rast se Lulzim Basha do të ndërmerrte një hap kundër tij, ai do të bënte gjithçka që PD-ja të kthehej në vlerat që ajo ishte themeluar.

Pra, një shantazh, një kërcënim i hapur, që ish-kryeministri dhe ish-kreu i PD-së drejtonte ndaj pasardhësit të tij, të cilin e ka zgjedhur vetë në krye të PD-së, të cilin e ka mbështetur vetë sa herë ka dështuar, të cilit i ka mbështetur çdo aksion politik dhe i cili është biri i tij politik.

Në fakt, Sali Berisha nuk mund “t?i lajë duart” me Lulzim Bashën kaq thjeshtë, duke thënë se ?po bëri një hap kundër meje, unë do ndërmarr çdo hap kundër tij?.

Po, pse Partia Demokratike është e lidhur vetëm me aktin që mund të marrë Lulzim Basha kundër Berishës?

Po ajo çfarë ka bërë Lulzim Basha në këto tetë vite, nuk e bren ndopak ndërgjegjen e Doktorit?

Po pse Partia Demokratike duhet të jetë peng i një vendimi që duhet të marrë Luli për Doktorin?

Ndërsa për të gjitha aktet e tjera të ndodhura në këto tetë vite, vetë Berisha nuk ka hedhur asnjë hap. Thjeshtë dhe vetëm ka qënë justifikues, mbrojtës dhe mbulues i ?krimeve politike?, të Lulzim Bashës.

Do ta fillojë Doktori analizën që në 2014-ën, me zgjedhjen e Këshillit Kombëtar apo të Kryesisë? Do ta vazhdojë me Reformën Administrative? Do të vazhdojë me Reformën në Drejtësi? Do të shkojmë tek çadra? Do të shkojmë tek listat e 2017 dhe humbja e dështimi?

Basha rizgjidhet pa garë, rizgjedh sekretariatin, Këshillin Kombëtar, Kryesinë, formalisht çdo gjë.

Vimë në 2019, humb legjitimitetin si parti totalisht, duke djegur mandatet. Nuk hyn në zgjedhjet vendore. Rikthehet dhe futet në fushatë pa asnjë garanci. Bën aleancë ?kriminale? me LSI-në, forca politike më e dështuar dhe më e korruptuar e 30 viteve tranzicion. Hyn në zgjedhje, humbet, dështon.

Nuk ka analizë për humbjen, nuk ka analizë për dështimin. Njerëz ditë pas dite japin dorëheqjen. Emëron gjithë strukturën e partisë, pa votim. Sekretariatin dhe Kryesinë, në mazhorancë totale, për ta pasur nën kontroll.

Dhe tani, pas një mijë e një bëmave dhe gjëmave, përtej pasurimit, vilave, miliona eurove të fituara nga ai dhe familjarët e tij, Sali Berisha flet se do të reagojë ndaj Lulit, vetëm nëse ai ndërmerr një hap apo një aksion kundër tij.

A është imoralitet politik? A është të ?lash duart? si Ponç Pilati? Duke përdorur një fjali se ?PD-ja ka qënë pro amerikane për 23 vite? dhe të bësh një ndarje të një kohe në tetë vitet që ka qënë Luli, me gjithë bëmat, gjëmat dhe zullumet e tij, është të kërkon pafajësi, kur duart i ke në ?krim?.

Sepse je njeriu që ke mbështetur Lulzim Bashën. Je njeriu që ke emëruar Lulzim Bashën, je njeriu që ke zgjedhur Lulzim Bashën dhe gjithçka ka bërë Lulzim Basha, ti ke qënë pas tij apo drejtpërdrejt të paktën, jo vetëm sipas asaj që pretendon Lulzim Basha apo ua thotë ndërkombëtarëve, por edhe sipas qëndrimeve publike, të mbajtura nga vetë Doktori.

Thjeshtë dhe vetëm me dy akte, të thëna në publik, se do t?i ndërmerrte në rast se Lulzim Basha do të merrte qëndrim për përjashtimin e tij nga grupi parlamentar apo duke thënë se ?Partia Demokratike kishte qënë pro amerikane në drejtimin e tij dhe anti-amerikane, me Lulzim Bashën?.

Doktori, aktet e tij, pra daljen tek demokratët dhe largimin e Bashës, do t?i bëjë në rast se Luli e përjashton nga grupi parlamentar.

Në fakt Berisha thjeshtë dhe vetëm tregon edhe një herë si e kontrollon, si e menaxhon Partinë Demokratike dhe sa keq ka katandisur ajo. Për një fakt të vetëm, është peng tek Doktori, Lulzim Basha dhe Partia Demokratike.

Vetëm në rast se sulmohet Doktori, atëherë PD-ja do të bëhet ajo parti për vlerat të cilat është krijuar. Në të kundërt nuk ka asnjë problem. Mund të qëndrojë Luli, të përdorë kunatin, familjen, partinë ta bëjë ?ship publike?. Të futë e të nxjerrë kë të dojë. Parime nuk ka, vlera nuk ka. Mjafton Luli kryetar, vetëm mos preket Doktori.

E pra, kjo nuk është Partia Demokratike, e Doktori nuk mund t?i lajë duart si Ponç Pilati, sepse ka edhe ai përgjegjësitë, për çdo ?krim politik?, të bërë nga Lulzim Basha në këto tetë vite. Me apo pa heshtjen e tij. Dhe tani që flet, është vonë. Dhe po flet pasi e kanë vendosur me ?shpatulla pas murit?.

Por, ka pasur shumë për të thënë dhe për të folur Sali Berisha. Gjë të cilën nuk e bëri për tetë vite, por e bëri mbrëmë. Tani është vonë. Është vërtetë vonë. Doktori nuk mund ?t?i lajë duart? si Ponç Pilati, me Lulin./CNA.al

Faktet dhe akuzat/ Berisha ekzekuton Bashën

Berisha paralajmëron lëvizje ?surprizë? në shtator/ Kërcënon publikisht Lulzim Bashën

Historia nuk fshihet/ Sali Berisha dhe një koment i nevojshëm