web counter
LEXO PA REKLAMA!

SHKARKO APP

App Store
Google Play

“Mjaft me teori konspirative”/ Dasho iu drejtohet shqiptarëve: Vaksinohuni, mos merrni në qafë të tjerët

1 Shtator 2021, 19:19, Lifestyle CNA

Eksperti i Shëndetit Publik, Erion Dasho iu është përgjigjur të gjithë kritikëve në rrjetet sociale që vijojnë ende me teoritë konspirative përsa i përket vaksinës kundër Covid 19.

Përmes një statusi, eksperti është shprehur se në vend që të merren me teori konspirative dhe të japin mend, duhet të vaksinohen.

Sipas Dashos në këtë mënyrë mund të shmanget e keqja dhe të mbrojnë veten dhe të tjerët nga Covid.

?SHKENCËTARË DHE “KOMPETENTË”

Sot me qëllim vendosa një status ku nuk jepja asnjë argument shkencor. Jepja shembullin e Izraelit që ka vaksinuar 90% të popullsisë me vaksina me bazë ARN-je.

Kur një popull që ka nxjerrë dhe vazhdon të nxjerrë disa nga mendjet më të ndritura të njerëzimit, vaksinon 90% të popullatës, a kanë luksin ta gjykojnë popuj që kanë pjesën më të madhe të popullatës analfabetë funksionalë?!

Nuk i dhimbsen izraelitët qeverisë së tyre? Mos nuk janë izraelite disa prej kompanive më të famshme në botë të inteligjencës që mund të kenë aftësi zbuluese pak më të lartë se shqiptari që harxhon 10 orë në ditë në kafe dhe hera e fundit që ka hapur një libër shkencor është klasa e tetë e fillores?!

Por jo!!! Në status më kundërshtuan me dhjetëra persona të cilët më jepnin argumente nga më të stërholluarit. Këta njerëz që para një viti nuk dinin ç’është antitrupi, limfociti, ADN-ja dhe ARN-ja, papritur janë bërë ekspertë dhe diskutojnë teoritë e profesorëve të Oksfordit!!!

O shqiptarë! Mjaft me teori konspirative! Vaksinohuni dhe mos merrni në qafë veten dhe të tjerët! Sa më parë, aq më mirë!

SHËNIM: NË KËTË STATUS NUK PRANOHEN KOMENTE! I FALENDEROJ MIQTË QË DUAN TË SHPREHIN MBËSHTETJEN E TYRE, POR LE TA LËMË KËTË STATUS PA KOMENTE TË TJERA!?, shkruan Dasho në rrjetet sociale./ CNA.al





Lajmet e fundit nga