E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Mbërritja e afganëve/ Xhaçka: Jetë të shpëtuara nga tmerri i luftës

27 Gusht 2021, 06:24, Aktualitet CNA

Ministrja e Jashtme, Olta Xhaçka ka folur për mediat, nga aeroporti i Rinasit, ku priti 121 afganët e parë që mbërritën në vendin tonë.

Gjatë fjalës së saj, Xhaçka e cilësoi momentin e mbërritjes së afganëve ‘shumë emocionues’, ndërsa u shpreh se janë 121 jetë të shpëtuara nga tmerri i luftës.

?Frika për sulme terroriste, si ajo që ndodhi ditën e djeshme në aeroportin e Kabulit, ishte shtysa për t’i evakuuar sa më shpejt ata nga Afganistani.?-tha ministrja Xhaçka.

Po ashtu, ajo vuri theksin edhe njëherë tek tradita shqiptare e mikëpritjes, ndërsa shkruan se nuk ishte rastësi as strehimi i hebrenjve e shqiptarëve të Kosovës.

Ministrja bën me dije se grupi i parë i afganëve do të strehohet në një strukturë hoteliere në Durrës, duke shtuar se afganët e tjerë që do të vijnë në ditët në vijim do të strehohen për pak ditë në konviktet e QS.

?Është vërtet një moment shumë emocionues. Këto kanë qenë ditë shumë intensive, me shumë punë për të koordinuar një operacion humanitar në një kohë rekord. Por mbi të gjitha kanë qenë ditë shumë të vështira, me shumë shqetësim për fatin e qytetarëve afganë që presim sot sepse situata e sigurisë në Kabul është përkeqësuar shumë. Fatkeqësisht, sulmet e tmerrshme që ndodhën sot, humbja tragjike e jetës e mbi 60 qytetarëve dhe trupave të partnerëve tanë amerikanë, ishte prova e asaj që na shqetësonte ne, që shqetësonte të gjithë partnerët. Ishte pikërisht frika nga sulme të tilla, që na ka shtyrë të bëjmë maksimumin që këta qytetarë të vinin sa më shpejt në Shqipëri, ku janë larg rrezikut e larg frikës për jetën. Ditë pas dite, na është dashur të përballemi me shtyrje, vështirësi të reja, pengesa të reja si pasojë e situatës së sigurisë. Prandaj sot jam aq e lehtësuar që më në fund avioni i parë arriti të ulet duke sjellë këtu një kontigjent të parë afganësh, burra, gra, fëmijë. Është vërtet një moment emocionues sepse çdo burrë, çdo grua, çdo fëmijë që shihni këtu sot, është një jetë e shpëtuar nga tmerri i luftës dhe i një regjimi që i sheh si armiq për t?u vrarë, për t?u persekutuar.?-tha ndër të tjera ministrja Xhaçka./CNA.al

Mbërrijnë në Shqipëri 121 afganët e parë/ Akomodohen në Durrës