web counter
LEXO PA REKLAMA!

SHKARKO APP

App Store
Google Play

E fundit!

x

E BUJSHME / Tirana kthen Devollin dhe Ahmatajn në pankinën bardheblu

20 Gusht 2021, 19:08, Sport CNA

Klubi i Tiranës ka bërë një lëvizje të bujshme duke menduar për të ardhmen e klubit, pasi ka kthyer në pankinat e skuadrave të moshave dy emra të njohur për trajningut shqiptar, të cilët edhe në të kaluarën kanë qenë pjesë e kryeqytetasve si futbollistë e trajnerë.

Bledar Devolli dhe Julian Ahmataj janë zyrtarizuar si trajnerët e rinj të ekipeve të moshave, përkatësisht të U19 dhe të U17 të bardhebluve. Devolli kishte mbajtur këtë detyrë edhe dy sezone më parë, por dha dorëheqjen në mes të edicionit pasi pranoi asokohe se e kishte marrë postin vetëm me shpresën që një ditë të drejtonte ekipin e parë të bardhebluve.

Ndërsa Ahmataj atë edicion ishte trajner i U17 dhe pastaj mori edhe drejtimin e skuadrës së parë te Tirana, duke qëndruar pak javë para se të largohej nga ekipi të cilin e mori Egbo dhe e shpalli kampion.

NJOFTIMI I TIRANËS

Ekipi U-17 dhe U-19 nisin të Hënën datë 23/08/2022 përgatitjet për sezonin e ri.

Skuadra e 17 vjeçarëve do të fillojë stërvitjen çdo ditë në orën 17:00 nën drejtimin e trajnerit Julian Ahmataj ndërsa të rinjtë 19 vjeçarë do të rreshtohen çdo ditë në orën 18:00 përballë trajnerit Bledar Devolli në kompleksin stërvitor ?Skënder Halili?.

Trajnerë të Superiores si Ahmataj dhe Devolli vijnë t?i shërbejnë akademisë më të madhe në vend dhe për të prodhuar talente të reja nga grupmoshat përkatëse që do të kenë nën drejtim për sezonin 2021/2022.

KF Tirana Academy- Me hapa kampionësh!





Lajmet e fundit nga