web counter
LEXO PA REKLAMA!

SHKARKO APP

App Store
Google Play

Kultivuan kanabis në pyjet e Spanjës/ Goditet grupi i shqiptarëve, në pranga shtatë persona 

9 Gusht 2021, 09:43, Kronika CNA

Policia e Spanjës ka goditur një grup shqiptar që merrej me kultivimin e kanabisit.

Mediat spanjolle raportojnë se grupi drejtohej nga një shqiptar 50-vjeçar, bashkëshortja e tij 47 vjeçe dhe vëllai i tij 37-vjeçar, ndërsa në parcela kishin punësuar shqiptarë.

Të tre drejtuesit janë arrestuar sëbashku me 4 punëtorët që merreshin me kultivimin e kanabisit.

Hetimet për goditjen e këtij grupi kishin nisur që tetorin e kaluar. Hetuesit kanë gjetur tre parcela me kanabis. Me 22 korrik u bë edhe goditja e parcelës të parë ku u arrestuan 4 të rinj të moshës nga 19 vjeç deri në 32 vjeç. Më pas u bë edhe asgjësimi i kësaj parcele me 3.175 bimë kanabisi të mbjella dhe 2080 rrënjë në proces tharje, si edhe 80 kg kanabis i vjelë.

Faza e fundit e operacionit u zhvillua me 2 gusht, ku policia asgjësoi nga njëra parcelë 4.600 rrënjë kanabisi dhe nga parcela tjetër 8.178 rrënjë të tjera, pra në të dyja parcelat më shumë se 12 mijë rrënjë.

Parcelat ishin të vendosura në pyje, në terrene shumë të vështira për të depërtuar në to, si dhe ishin ngritur edhe ambiente për të tharë mariuanën dhe tenda ku qëndronin kultivuesit.





Lajmet e fundit nga