web counter
LEXO PA REKLAMA!

SHKARKO APP

App Store
Google Play

Yuri Kim “shkund” politikën/ Mesazhe të forta PD dhe PS

30 Korrik 2021, 12:39, Politikë CNA

Ambasadorja e SHBA në Tiranë, Yuri Kim ka zhvilluar sot një takim me kreun e Partisë Demokratike, Lulzim Basha.

Ndërkohë, në një prononcim për mediat, pas takimit me Bashën, Yuri Kim i ka drejtuar mesazhe të forta, si mazhorancës socialiste, por edhe Opozitës.

Ambasadorja Kim, mbajti një qëndrim të prerë, për ish-kryeministrin Berisha, ndërsa tha se ?Sikurse e kam përmendur më parë, PD ka luajtur një rol të pazëvëndësiueshëm për ta nxjerrë këtë vend nga komunizmi.

Dhe në fakt do të ishte ironi historike nëse partia do të duhet të hante bar për hir të një anëtari të saj?.

Gjë që në fakt duket të jetë një qëndrim i prerë i ambasadores ndaj ish-kryeministrit Berisha, i cili është shpallur non-grata, nga DASH.

Nga ana tjetër Yuri Kim i ka drejtuar mesazhe të forta edhe PS-së, për të cilën tha se duhet të ngrihet mbi interesat e saj partiake.

?Partia Demokratike dhe të tjerë kanë shqetësime në lidhje me zgjedhjet e 25 prillit, dhe ato janë pasqyruar edhe në raportin e OSBE-ODIHR.

Shqetësimet duhen trajtuar dhe do të jetë tejet e rëndësishme dhe e domosdoshme që kjo të bëhet në mënyrë domethënëse.

SHBA do të vazhdojë të mbështesë demokracinë në Shqipëri.

PD do të kthehet në Kuvend në shtator, dhe është e rëndësishme që PS të mund të ngrihet mbi interesat e saj partiake.

Është e rëndësishme që liderët, të shoqërohen nga deputetë që e meritojnë përfaqësimin e Shqipërisë.

Gjithashtu do jetë e rëndësishme që PD të mendojë për këto çëshjtje.

Dhe sikurse e kam përmendur më pare, PD ka luajtur një rol të pazëvëndësiueshëm për ta nxjerrë këtë vend nga komunizmi.

Dhe në fakt do të ishte ironi historike nëse partia do të duhet të hante bar për hir të interesave personale, të një njeriu. Shpresa jonë është që partitë të bëjnë përpara.  Për këtë arsye ka vendime të rëndësishme përpara për të gjithë, dhe shpresoj që njerëzit pas pushimeve, të rikthehen të freskët, por edhe të ripërtërirë për të ardhmen?-tha Yuri Kim./CNA.al





Lajmet e fundit nga