web counter
LEXO PA REKLAMA!

SHKARKO APP

App Store
Google Play

Largimi i Dovedan, Duro arrin akordin me ish-ndihmësin e Duros

17 Korrik 2021, 11:27, Sport CNA

Ballshiotët janë drejt akordit me trajnerin e ri, por që ka drejtuar ekipe të njohura në elitën e Maqedonisë së Veriut. Bëhet fjalë për Jeton Beqirin.

Bylisi dhe presidenti Besnik Kapllanaj gjithnjë kanë synuar që në stolin e skuadrës së tyre të kenë një emër të madh. Dovedani do të mbahet mend si trajneri më jetëgjatë në Ballsh e madje edhe që punoi mjaft mirë.

Me rënien e skuadrës, Bylisi dhe Dovedan u ndanë, ndërsa ballshiotët pritet që të nisin një cikël nga e para ose një projekt serioz. Ballshiotët janë shumë pranë akordit me trajnerin e mirënjohur Jeton Beqiri i cili më parë ka drejtuar skuadra, si Drita Bogovinjë në futbollin inferior në Maqedoninë e Veriut si dhe dy herë ka trajnuar te Shkëndija ku ka qenë zëvendëstrajner, pa harruar të qenit trajner i parë te Renova dhe deri vjet te Struga. Beqiri ka qenë edhe ndihmëstrajner te Flamurtari dhe për pak kohë trajner i parë pikërisht në sezonin 2017-2018, fillimisht si ndihmës i Duros.

Nga sa mësohet, trajneri ka ditë që është në bisedime me presidentin Kapllanaj. Ai ka qenë në Ballsh ditët e fundit duke diskutuar rreth situatës së ekipit, kontingjentit të lojtarëve apo dhe për synimet që do të ketë Bylisi, që sigurisht do të jenë madhore dhe për të kërkuar rikthimin në elitë duke qenë se pjesën më të madhe të lojtarëve e ka nën kontratë.

Tratativat po ecin mjaft mirë e janë lënë të hapura dhe në Ballsh tashmë presin qe të zyrtarizojnë datën për fillimin e përgatitjeve për sezonin e ri 2021-2022 në Kategorinë e Parë. Do të lajmërohen të gjithë ata lojtarë që janë nën kontratë dhe më pas duke parë zhvillimet, pritet që të ketë shitje apo edhe afrime.





Lajmet e fundit nga