web counter
LEXO PA REKLAMA!

SHKARKO APP

App Store
Google Play

Zbulohen shumat e majme që përfituan Partizani, Laçi dhe Vllaznia për kalimin e turit

16 Korrik 2021, 07:15, Sport CNA

Pas kalimit të turit të parë të Ligës së Konferencës, arkat e Partizanit janë pasuruar edhe me 350 mijë euro të tjera, pas 200 mijë të tjerave që morën që në fillim me pjesëmarrjen në Ligën e Konferencës. Pas arritjes në turin e dytë, Partizani ka tashmë në arkat e klubit 550 mijë euro. Shorti i ka vënë përballë në turin e dytë gjigantët zviceranë të Bazelit dhe dukshëm kuqeblutë ?helvetë? janë favoritë për të kaluar në turin e tretë.

Ndoshta rrugëtimi i Partizanit mund të ndalet kundër Bazelit në Europë, por mund të quhet një pjesëmarrje e suksesshme e ?demave? në kompeticionet europiane pas një viti mungesë. Buxheti prej 550 mijë eurosh pritet ta ndihmojë shumë klubin e Partizanit në mbarëvajtjen e sezonit. Laçi siguroi kalimin në turin e dytë të Konferencë Ligës. Në bazë të shpërblimeve nga UEFA në këtë edicion të parë të kompeticionit të ri, kurbinasit kanë të garantuara deri më tani 550 mijë euro.

Skuadra e Laçit ka të siguruara 100 mijë euro shpërblim nga turi i parë i luajtur dhe 100 mijë euro të tjera sërish për pjesëmarrjen në turin tjetër. Në rast eliminimi në turin e dytë, ndaj Universitae Kraiova, kurbinasit marrin shifrën shpërblyese prej 350 mijë eurosh që përkon me këtë tur. Kësisoj, në rast eliminimi, në arka shtohen 550 mijë euro nga UEFA. Plot 550 mijë euro kanë të garantuara deri tani nga kalimi në turin e dytë të Ligës së Konferencës edhe shkodranët e Vllaznisë. Ndoshta rrugëtimi i kuqebluve mund të ndalet kundër AEL Limasol, por mund të quhet një pjesëmarrje e suksesshme e Vllaznisë në kompeticionet europiane pas 10 vitesh mungesë. Buxheti prej 550 mijë eurosh pritet ta ndihmojë shumë klubin e Vllaznisë në mbarëvajtjen e sezonit.





Lajmet e fundit nga