web counter
LEXO PA REKLAMA!

SHKARKO APP

App Store
Google Play

E fundit!

x

Shoqata e biznesit thirrje Ministrisë së Shëndetësisë/ “Hiqni orën policore, po dëmtohemi ekonomikisht”

16 Korrik 2021, 08:11, Ekonomi CNA

Shoqata e biznesit i ka  bërë thirrje Ministrisë së Shëndetësisë dhe Komitetit Teknik të Ekspertëve që të vendosin masat të reja në lidhje me oraret kufizuese.

Sipas tyre, ora policore ende në fuqi, po i privon nga aktivitetet që ata ushtrojnë si biznesë.

Ndër të tjera ata shprehen të shqetësuar se po dëmtohen ekonomikisht.

?Referuar masave në fuqi të VKM dhe Komitetit Teknik të Ekpertëve në kuadër të pandemisë së Covid-19, kërkojmë lehtësira nga ju, pasi ne si biznese po përballemi me vështirësi ekonomike.

 Ora policore ende në fuqi, na privon nga aktivitetet që ne si biznese (lokale) zhvillojmë; (dasma, gëzime familjare e cermoni të tjera), duke na ushtruar presion të vazhdueshëm dhe nuk na lejojnë të zhvillojmë normalisht aktivitetin tonë ekonomik, brenda orarit të lejuar nga institucionet, çka na vështirëson së tepërmi ekonominë, gjë e cila reflektohet edhe te të ardhurat familjare të çdo drejtuesi biznesi.
Për këtë arsye kërkojmë të rishikohen masat në fuqi, duke patur parasysh edhe numrin e ulët të rasteve me infektime nga covid 19, ashtu sikurse edhe vdekshmërinë.

Goditja që kemi marrë nga një vit mbylljeje për shkak të pandemisë së covid 19, dhe orës policore ende në fuqi, do të na e vështirësojë akoma dhe më shumë ekonominë dhe financat, duke na cuar drejt falimentit.
Është e udhës të gjendet një zgjidhje dhe reagim sa më i shpejtë nga ana juaj, në te kundërt edhe ne referuar rregullave e ligjeve në fuqi do të reagojmë?, thuhet në njoftimin e Shoqatës së bizneseve./CNA.al





Lajmet e fundit nga