web counter
LEXO PA REKLAMA!

SHKARKO APP

App Store
Google Play

“Ai vjen nga Juventusi, ne jemi të vegjël në hartë”! Nga trajneri te kapiteni, austriakët mahniten pas Xhakomo Vrionit: Ja pse na e sollën…

15 Korrik 2021, 10:24, Sport CNA

Xhakomo Vrioni e nisi aventurën me Tirol në mënyrën më të mirë teksa realizoi 4 gola në 2 miqësoret e para. Kjo ka entuziazmuar së tepërmi drejtuesit e klubit austriak që mund të mbushen me shpresë për sezonin e ardhshëm. Një yll i larguar pasi u mor huazim nga Juventusi, për t?u mbushur me një tjetër lojtar që paraqitet si tillë dhe i ardhur po nga Juventusi.

Kjo ishte lëvizja e bërë nga e Tirol, pasi talenti që shkëlqeu në sezonin e shkuar ishte Baden Frederiksen me 18 gola. Danezi përfundoi huazimin e tij për të shkuar sërish te bardhezinjtë, ndërsa Xhakomo Vrioni erdhi për të marrë vendin e lënë bosh.

?Frederiksen ishte rasti fitore-fitore për të gjithë. U zhvillua shumë dhe vlera e tij po rritet. Kishte oferta nga gjysma e Europës. Kjo është arsyeja se përse Juventusi na ka dërguar një tjetër lojtar që mund të vlerësohet edhe më lartë në cilësi. Pret diçka të ngjashme. Vrioni është lojtar i gjashtë që na vjen nga Juventusi. Padyshim është element që të mbush me shpresë dhe ishte dëshira e Juventusit që të vinte te ne?, tha trajneri i Tirol, Silberberger për ?Laola1?.

Nga ana tjetër kapiteni i ekipit, portieri Ferdinan Osëald kishte vlerësime edhe më të larta për Vrionin: ?Është lojtar me të vërtet i mirë. Ai vjen nga Juventusi dhe ne jemi një vend shumë i vogël në hartën e futbollit në Europë. Por ka ardhur me përkushtimin e duhur dhe mendoj se kemi për të shijuar spektaklin e tij. Në thelb është lojtar i plotë dhe mendoj se ka më shumë vullnet dhe jetën e një profesionisti sesa Frederiksen?, u shpreh kapiteni.





Lajmet e fundit nga