web counter
LEXO PA REKLAMA!

SHKARKO APP

App Store
Google Play

Rezoluta për gjenocidin serb/ Meta: Përgjegjësit e kësaj masakre të marrin dënimin e merituar!

7 Korrik 2021, 18:14, Politikë CNA

Presidenti Ilir Meta ka përshëndetur rezolutën e miratuar nga parlamenti i Kosovës, për gjenocidin e ushtruar nga ushtria serbe në Srebrenicë.

Meta thekson se mbështet fuqimisht këtë rezolutë, ndërsa shton se bashkohet me pikëllimin e viktimave të pafajshme.

“E përshëndes miratimin nga Kuvendi i Republikës së Kosovës të Rezolutës për dënimin e gjenocidit në Srebrenicë, masakrës më të madhe pas Luftës së Dytë Botërore, që ndodhi 26 vite më parë, në zemër të Europës dhe që kurrsesi nuk duhej të ishte lejuar të ndodhte.

Duke e përkrahur këtë Rezolutë, i bashkohem pikëllimit të thellë për viktimat e pafajshme dhe nderimit të kujtimit të tyre, dënimit të çdo përpjekje për mohimin e këtij gjenocidi dhe e përqafoj thirrjen për të bërë çdo përpjekje, që përgjegjësit e kësaj masakre të marrin dënimin e merituar nga drejtësia.
Vetëm duke forcuar bashkëpunimin rajonal dhe bashkëjetesën etnike e fetare do të konsolidojmë paqen, stabilitetin dhe sigurinë në rajon dhe do të ecim përpara drejt së ardhmes të përbashkët në Bashkimin Europian.”/CNA.al

 





Lajmet e fundit nga