E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama përgatit hakmarrjen/ Paralajmërohet “furtunë” edhe në arsim, kokat që do “priten”

2 Korrik 2021, 09:02, Politikë CNA

Deputeti i zgjedhur i Partisë Demokratike, Belind Këlliçi akuzon kryeministrin Edi Rama dhe Rilindjen se po përgatit hakmarrjen kundër drejtorëve të “pabindur” të shkollave, të cilët nuk i janë përgjigjur me devotshmëri fushatës zgjedhore.

Në një postim në rrjetet sociale, Këlliçi shkruan se PS do të kalojë në sitë çdo rrogëtar të shtetit, duke e justifikuar me ?reform? ose ?vetting?.

Sipas Belind Këlliçit, kokat që do “priten” do jenë ata që nuk iu binden partisë.

?Sot, gjatë paradites, jam njoftuar për hakmarrjen e udhëheqjes socialiste ndaj drejtorëve të “pabindur” të shkollave, të cilët nuk i janë përgjigjur me devotshmëri fushatës zgjedhore. Do të nisë kësisoj një fushatë spastrimesh në arsim me emrin “ristrukturim”.

Për këdo që do të vrapojë të komentojë duke i quajtur “hamendësime”, i kujtoj audiopërgjimin e Pjerin Ndreut, si provë e dokumentuar e kërcënimit me largim nga puna të arsimtarëve.

Partia e Ramës do të kalojë në sitë çdo rrogëtar të shtetit. Këtë mund ta quajnë “reformë”, “vetting” ose “katharsis”. Synimi është t’u veshin petkun e paaftësisë dhe sjelljes joetike të gjithë të pabindurve, të politizojnë çdo bankë shkolle, çdo qelizë të shoqërisë; për të instaluar heshtjen, frikën dhe gatishmërinë e disa brezave ndaj urdhërave të partisë.?-shkruan Këlliçi.

Më tej, ai thekson se papajtueshmëria me padrejtësitë mësohet në bankat e shkollës dhe duke kapur shkollën, po zaptojnë mendjen dhe lirinë e shprehjes, po vjedhin të ardhmen e fëmijëve tuaj.

?Mendoni ç’të ardhme kanë të rinjtë në një vend ku mësuesit e tyre kërcënohen me largim nga puna.

Mendoni ç’të ardhme kanë të rinjtë aty ku mësuesit e tyre nuk janë të lirë të thonë atë që mendojnë.

Mendoni se ç’të ardhme kanë të rinjtë, aty ku mësuesit që duhet të jenë model qytetarie, motivimi dhe antikorrupsioni, kthehen në armatë politike.

Papajtueshmëria me padrejtësitë mësohet në bankat e shkollës. Edukimi mbi qytetarinë dhe të drejtat, mësohen në shkollë. Modelet e para shoqërore mësohen në shkollë.

Duke kapur shkollën, po zaptojnë mendjen dhe lirinë e shprehjes, po vjedhin të ardhmen e fëmijëve tuaj.

Prandaj kjo çështje është së pari e juaja. Ju përket juve që keni vendosur të jetoni e t’i arsimoni fëmijët në Shqipëri.

Mësuesi është çështje e të gjithëve!?-përfundon postimin e tij Belind Këlliçi./CNA.al