E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

“Mbylli dyert” për Shqipërinë/ Palmer: SHBA e zhgënjyer me BE

1 Korrik 2021, 11:46, Politikë CNA

Zëvendësndihmës Sekretari i Zyrës për Çështjet Euroaziatike, Matthew Palmer, nga ?Forumi i Prespës për Dialog?, që po mbahet në Maqedoninë e Veriut, është ndalur edhe tek çështja e çeljes së negociatave me BE.

Palmer theksoi se ?Shtetet e Bashkuara të Amerikës (SHBA) janë të zhgënjyera nga vendimi i Bashkimit Evropian (BE) për të mos mbajtur Konferencën e Parë Ndërqeveritare me Shqipërinë dhe Maqedoninë e Veriut?.

Sipas tij, ?është jetike që BE-ja ta mbështesë rajonin?.

Ndër të tjera përfaqësuesi i SHBA-së u ka bërë thirrje liderëve të Ballkanit Perëndimor, që të kenë bashkëpunim mes tyre për të rritur ekonominë.

?Udhëheqësit e rajonit duhet të marrin fort në dorë të ardhmen europiane dhe të gjenerojnë presionin e brendshëm i nevojshëm jo vetëm për të arritur progres kolektiv në një të ardhme të afërt, por të ndryshojnë në mënyrë aktive rrëshqitjen në një territor regjimesh hibride. Përndryshe, bashkëpunimi ekonomik rajonal dhe rimëkëmbja e qëndrueshme ekonomike do të mbeten përjetësisht të paarritshme. Si pjesë të kësaj, udhëheqësit në rajon duhet të krijojnë dhe shfrytëzojnë tani mundësitë për zgjidhjen përmes dialogut dhe kompromisit të të gjitha dallimeve, që frenojnë vendet dhe popujt e tyre në arritjen e potencialeve të tyre të plota. Nëse kjo nuk është gjithëpërfshirëse, atëherë kjo do të mbetej përgjysmë?, deklaroi zyrtari i lartë amerikan.

?Forumi i Prespës? është i organizuar nga qeveria e Maqedonisë së Veriut. Ai do të zhvillohet përgjatë dy ditëve, më datat 1 dhe 2 korrik. Në fokus të tij janë ?Marrëveshja kornizë e Ohrit?, ?Marrëveshja për miqësi me Bullgarinë? dhe ?Marrëveshja e Prespës?.

Pjesëmarrës në Forum janë: presidenti i Sllovenisë, Borut Pahor, ai i Malit të Zi, Milo Gjukanoviç, si dhe katër kryeministrat nga rajoni, Edi Rama, Zoran Tegeltija, Ana Bërnabiç dhe Albin Kurti. Të ftuar, po ashtu, janë edhe zyrtarë të lartë amerikanë dhe përfaqësues së BE-së./CNA.al