web counter
LEXO PA REKLAMA!

SHKARKO APP

App Store
Google Play

E fundit!

x

550 milionë euro rryshfet për të vjedhur buxhetin/ Ironizon gazetari: “Rama mund të bëhet Sulltan, Ulsiu Kadi”

23 Qershor 2021, 08:34, Politikë CNA

Gazetari Klodian Tomorri ka ironizuar kryeministrin Edi Rama, por edhe mediat shqiptare, të cilat sipas tij nuk raportojnë për milionat që vidhen nga buxheti I shtetit.

Në një postim në rrjetet sociale, Tomorri shkruan se në mediat shqiptare ka patur 550 lajme për vrasjen e 20-vjeçares në Greqi, dhe vetëm gjysëm lajmi për faktin se në Shqipëri paguhet 550 milionë euro rryshfet në vit për të vjedhur buxhetin dhe për të përdhunuar ekonominë e tregut.

?Rama është burri më i mirë në botë.

Këtë e kam shumë seriozisht. Nuk ka rast të dytë në botë, ku një njeri të ketë mundësi të ushtrojë më shumë pushtet dhe të mos e bëjë.

Javën e fundit në mediat shqiptare ka patur 550 lajme për një shtetas grek që vrau bashkeshorten angleze ne Greqi dhe vetëm gjysmë lajmi për faktin që në Shqipëri paguhet 550 milionë euro rryshfet në vit për të vjedhur buxhetin dhe për të përdhunuar ekonomine e tregut. Por kjo nuk i hyn në punë njeriu. Ajo që hyn në punë është dëshmia ekskluzive e tezes nga Anglia, pastaj komenti në facebook i cunit të dajes së mamit nga Greqia etj etj.?-shkruan gazetari.

Më tej, ai vijon ironinë, ndërsa shkruan se ?Shyqyr o Zot, që Rama nuk do vetë të shpallet Sulltan Padishah i Madh i Sulltanatit të Shqipërisë dhe të vendose ndonjë nga keto grate e Perputhjes si Vezire e Lartë e oborrit. Ulsiu psh mund të behet Kadi i Plotëfuqishem i Vilajetit te Dibrës.

Po të doje bëhet brenda dites, por shyqyr Zotit prapë që nuk e ka qejf. Dhe e them prapë, nuk ka njeri në botë që ka mundësi të ushtroje më shume pushtet dhe të mos e bëjë?./CNA.al





Lajmet e fundit nga