web counter
LEXO PA REKLAMA!

SHKARKO APP

App Store
Google Play

Olsi Rama zbulon goditjen e Partizanit në merkato

17 Qershor 2021, 07:21, Sport CNA

Olsi Rama ka dhënë lajmin e mirë për tifozët e Partizanit se një nga shtyllat e kësaj skuadre, Jurgen Bardhi, ka vendosur të mbetet pjesë e të kuqve edhe pse kishte përfunduar kontratën. I ftuar në ?EURO Magjia?, drejtori i Partizanit, ka bërë të ditur se mesfushori ka nënshkruar, ndërsa do firmose edhe Herald Marku.

?Kemi bërë disa përparime, jemi në bisedime me lojtarë të ri të ndryshëm. Afrim? Jurgen Bardhi! Ai është një nga shtyllat e Partizanit. Edhe Herald Marku ka qenë lojtar i Partizanit me U19. Firmosim me Markun. Nuk ishte e thjeshtë, por është e bukur që Marku jo vetëm është një lojtar i mirë, por edhe një djalë i mirë, kur jepet fjala është e sigurt që e mban.

Shorti në Ligën e Konferencës? E dinim që normalisht ishim në vazon e ekipeve të forta. Shkojmë për herë të dytë në Moldavi. Nuk është Shërifi i Tiraspolit që është gjenerali i kampionatit moldav. Por është një ekip që ka fituar Kupën, vjet ka bërë paraqitje dinjitoze, duke kaluar turin dhe duke u eliminuar në shtesë nga Partizani i Beogradit. Por unë e shoh Partizanin të favorizuar në këtë pikë.

Bazeli? Nëse do të dalësh kampion, duhet të mposhtësh më të fortët. Kështu edhe ne. Ne do të provohemi me Bazelin dhe do të provojmë të japim më të mirën. Është element pozitiv se për djemtë është shtysë e madhe me kundërshtarë prestigjiozë, nga një kampionat i fortë e me buxhet të madh. Kur shihje ndarjen e skuadrave, Bazeli është ai me koeficientin më të lartë, që tregon se ka një histori në Kupat e Europës?, tha Rama.





Lajmet e fundit nga