web counter
LEXO PA REKLAMA!

SHKARKO APP

App Store
Google Play

E fundit!

x

Video-Tentoi të vriste me armë 23-vjeçarin/ Arrestohet i riu në Maliq

11 Qershor 2021, 18:54, Kronika CNA

Policia jep detajet e para nga sherri mes dy të rinjve në fshatin Podgorie të Maliqit.

Blutë kanë bërë të mundur arrestimin e shtetasit me iniciale E.G., banues në fshatin Podgorie, Maliq.

23-vjeçari është konfliktuar me bashkëmoshatarin M.H., 23 vjeç, dhe ka qëlluar pushkë në drejtim të tij, por fatmirësisht i riu nuk është lënduar. Mediat raportojnë se dy të rinjtë janë kushërinj.

Autoritetet kanë bërë të mundur vënien e tij në pranga ndonëse është larguar nga vendngjarja dhe i ka sekuestruar armën.

?Specialistët për Hetimin e Krimeve në Komisariatin e Policisë Maliq, bënë arrestimin në flagrancë të shtetasit E. G., 23 vjeç, banues në fshatin Podgorie, Maliq.

Ky shtetas ditën e sotme, në fshatin Podgorie, gjatë një konflikti për motive të dobëta me shtetasin M. H., 23 vjeç, dyshohet se ka qëlluar me armë zjarri tip pushkë në drejtim të tij, por pa i shkaktuar dëmtime dhe më pas është larguar nga vendngjarja. Shërbimet e Komisariatit të Policisë Maliq, në bashkëpunim me Strukturat për Hetimin e Krimeve në Dvp Korçë dhe Forcat Speciale “Shqiponjat”, falë ndërhyrjes së shpejtë, bënë të mundur kapjen dhe ndalimin e autorit të dyshuar të ngjarjes shtetasit E. G., si edhe nga kontrolli i ushtruar në afërsi të vendit ku kishte ndodhur konflikti, gjetën e sekuestruan në cilësinë e provës materiale armën e zjarrit tip pushkë?, njofton policia.

Ndërkohë, materialet i kaluan Prokurorisë pranë Gjykatës së Shkallës së Parë Korçë për veprat penale “Vrasja me dashje” e mbetur në tentativë dhe “Armëmbajtja pa leje”./ CNA.al





Lajmet e fundit nga