web counter
LEXO PA REKLAMA!

SHKARKO APP

App Store
Google Play

E fundit!

x

U raportuan të zhdukur në Theth/ Policia gjen 2 turistët polakë, njëri niset me helikopter drejt Tiranës

6 Qershor 2021, 18:41, Kronika CNA

Dy turistë polakë për të clët u raportua se kanë humbur rrugën në Theth, janë gjetur nga policia.

Efektivët saktësojnë se 35-vjeçarja nga Polonia, kishte rrëshqitur, dhe nuk ka mundur të vijojë rrugën.

Pasi është gjetur ajo është nisur me helikopter drejt Tiranës.

Njoftimi i policisë:

Theth, Shkodër

Policia e Shtetit, në bashkëpunim me banorët e zonës, në ndihmë të një turisteje nga Polonia.

Policia e Shkodrës mbrëmjen e djeshme ka marrë njoftim se në fshatin Theth, dy turistë nga Polonia kishin humbur rrugën duke eksploruar territorin nga Valbona në drejtim të Thethit. Gjatë rrugës 35-vjeçarja nga Polonia kishte rrëshkitur në një zonë të thepisur dhe për pasojë ka pësuar dëmtime fizike duke bërë të pamundur vijimin e udhëtimit në zbritje për në Theth.

Shërbimet e Policisë të DVP Shkodër, në bashkëpunim me banorët e zonës, janë nisur drejt vendit ku kishin mbetur dy turistët. Për shkak të terrenit të vështirë është bërë e mundur që shërbimet e Policisë dhe banorët e zonës t?i gjenin mesditën e sotme të dy turistët, në vendin e quajtur ?Maja e Alisë?, Theth.

Punonjësit e Policisë, pavarësisht terrenit mjaft të vështirë, i kanë çuar turistes barelën mjekësore dhe pas mbërritjes së helikopterit të ushtrisë, në kushte të vështira është bërë e mundur marrja dhe transportimi me helikopter drejt Tiranës për ndihmë mjekësore. 35-vjeçarja ndodhet jashtë rrezikut për jetën. Ajo ka falënderuar Policinë, banorët dhe ekipin e helikopterit të ushtrisë, të cilët mundësuan shpëtimin e saj.

 





Lajmet e fundit nga