web counter
LEXO PA REKLAMA!

SHKARKO APP

App Store
Google Play

Gara për kreun e PD/ Basha i përgjigjet Ramës: Ofertës për bashkëpunim i jap jo të prerë dhe finale

6 Qershor 2021, 10:35, Politikë CNA

Kreu aktual i Partisë Demokratike Lulzim Basha ka vijuar takimet me demokeratët e qarkut të Elbasanit.

Basha po kërkon një mandat tjetër në krye të PD, ku akuzon kundërshtarët politikë se në zgjedhjet e 25 Prillit listat e tyre ishin të hartuara nga krimi.

Basha u shpreh se policia ishte vendosur në krah të tyre duke i përshëndetur në rastin më të mirë dhe duke i mbrojtur në rastin më të keq. Ai tha se nuk do e njohë masakrën zgjedhore të 25 Prillit, duke nënvizuar edhe njëherë se përgjigja për dorën e shtirë të Ramës për bashkëpunim është ?Jo?.

?Ndodhemi në zemrën e qytetarisë këtu në qytetin e Elbasanit, po ndodhemi dhe në zemrën e sistemit dhe makinerisë kriminale që Edi Rama ka ndërtuar këtij 8 vite për të grabitur Shqipërinë, për të tjetërsuar institucionet e saj dhe për të vënë në jetë një nga planet më të zeza të shpopullimit, nënshtrimit dhe zhbërjes të çdo arritje të këtyre 30 viteve të shënuara me progres, me zik-zake, po në tërësi me përparim për qytetarët shqiptarë.

Ndaj edhe gënjeshtrës së tij të radhës dhe përpjekjes së tij për të na përçarë, për të na hutuar, për të na shpërqendruar nga misioni që kemi tani mbi supe. Ofertës së tij të helmët për demokracinë, për Shqipërinë, për shqiptarët dhe për Partinë Demokratike në bindjen time i kam thënë dhe i përsëris dhe sot nga Elbasani një JO të prerë dhe finale?, u shpreh Basha./ CNA.al





Lajmet e fundit nga