E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

NASA i merr seriozisht UFO-t, fillon hetimi

5 Qershor 2021, 11:53, Kosova & Bota CNA

Detyra gjatë muajit të parë të shefit të ri të NASA-s në New York duket se do të jetë studimi i mëtejshëm i objekteve të paidentifikuara fluturuese. Bill Nelson, ish senatori i Florida-s dhe veteran i fluturimeve hapësinore, tha për CNN Business gjatë një interviste të enjten se nuk është e qartë për askënd ? madje as për agjencitë hapësinore të SHBA-së ? se çfarë janë ato objekte fluturuese.

Nelson shtoi se ai nuk beson se UFO-të janë një dëshmi që ekzistojnë jashtëtokësorë që vizitojnë Tokën. ?Mendoj se do ta dija, po të ishte kështu. Por, ai gjithashtu tha se diçka e tillë nuk mund të përjashtohet si mundësi.

Komentet e Nelson vijnë menjëherë pas raportit që do t?i dorëzohet kongresit amerikan në 15 qershor, në të cilin thuhet se nuk ka prova objektet fluturuese janë alienë por gjithsesi nuk përjashtohet mundësia të jenë të tillë, raporton abcnews.al

Gjithashtu theksohet se nuk bëhet fjalë për teknologji amerikane. Një element i rëndësishëm sepse sipas dëshmive të personelit ushtarak, këto objekte fluturuese shfaqin lëvizje që nuk kryhen nga mjete fluturuese ushtarake apo civile që njihen.

?Ne nuk e dimë nëse është diçka jashtëtokësore. Ne nuk e dimë nëse është një armik. Ne nuk e dimë nëse është një fenomen optik,? tha Nelson .

?Ne nuk mendojmë se është një fenomen optik për shkak të karakteristikave që përshkruan pilotët e marinës ?por ne sigurisht që duam ta dimë se çfarë janë.?

Sekretari i shtypit i NASA-s Jackie McGuinness tha se Nelson nuk krijoi një task forcë zyrtare për të filluar hetimin rreth UFO-ve. Sidoqoftë, ai u tha studiuesve që të vazhdonin hulumtimet rreth UFO-ve.

UFO-të kanë qenë prej kohësh një objekt magjepsjeje për Shtetet e Bashkuara dhe jashtë saj, dhe se fiksimi u shtua edhe më shumë në vitin 2017 pas një raporti të New York Times në lidhje me incidente të shumta në të cilat pilotët ushtarakë amerikanë kanë vëzhguar objekte misterioze, që lëviznin me shpejtësi të madhe.

Një nga pamjet më të diskutuara, në një video të vitit 2004 me nofkën ? Tic Tac ? për shkak të ngjashmërisë së ngushtë të UFO-ve, tregon një objekt të vogël, fantazmë që del nga korniza, dhe duket se sfidon ?ligjet normale të fizikës, ?tha piloti i cili kapi pamjet për New York Magazine në 2019.

Një tjetër pamje, në 2015 e kapur nga një avion luftarak Super Hornet i Marinës Amerikane dhe botuar nga Times në 2019, tregon një objekt të çuditshëm që fluturon me një shpejtësi 120 mph. Pilotët mund të dëgjohen duke bërtitur ndërsa ata pyesin me zë të lartë nëse po shikojnë një dron.

Nelson tha se NASA nuk po punon me Pentagonin për këtë raport, por ai tha se nëse shkencëtarët e NASA do të arrijnë të zbulojnë diçka, Pentagoni do të jetë në dijeni. Gjatë një konferencë për shtyp të mërkurën, Thomas Zurbuchen, një astrofizikan dhe administrator i asociuar i NASA-s për shkencën, tha se ai nuk beson se UFO-t janë prova e një civilizimi të përparuar nga ana teknologjike, raporton abcnews.al

?Njerëzit kanë tendencë të nënvlerësojnë natyrën. Natyra është një vend i mahnitshëm ku ndodhin shumë mrekulli, tha ai.

?Në fushën e shkencës kemi të bëjmë me çështje dhe objekte të paidentifikuara ? Pra, duke përdorur mjetet e shkencës, ne do të bëjmë gjithçka që kemi në dorë për të zbuluar domethënien e çdo objekti.