web counter
LEXO PA REKLAMA!

SHKARKO APP

App Store
Google Play

Rënia drastike e Enis Gavazajt, s'do e besoni ç'i ka ndodhur ish-lojtarit të Skënderbeut

3 Qershor 2021, 07:17, Sport CNA

Deri pak vite më parë, Enis Gavazaj cilësohej si një nga lojtarët më të talentuar të futbollit shqiptar, një lojtar i cili mund të bënte diferencën me aftësitë e tij dhe se garantonte për të ardhmen e fanellës kuqezi. Nuk është rastësi që në periudhën e drejtimit të Kristian Panuçit, anësori i cili shkëlqeu me Skënderbeun, filloi të luante rregullisht në radhët e përfaqësues shqiptare.

Por gjithçka ndryshoi me transferimin në Rusi, që rezultoi një dështim absolut për Gavazajn, ashtu si edhe kalimi te Dinamo Minsk. Ai u kthye përsëri në Shqipëri, por ishte hija e vetvetes, pasi nuk arriti të linte gjurmë në radhët e Kukësit me vetëm 2 gola në 36 ndeshje të luajtura, e pak sfida me rolin e protagonistit të mirëfilltë.

Lamtumira në fund të sezonit ishte e pashmangshme dhe Gavazaj zgjodhi që të udhëtonte drejt Kosovës për t;iu bashkuar Prishtinës. Një zgjedhje që rezultoi e suksesshme në aspektin personal pasi në fund të sezonit, ai e mbylli me medaljen e kampionit. Por kjo nuk mjaftoi për t?i siguruar atij vazhdimësinë në radhët e skuadrës. Prishtina bëri të ditur se kontrata e lojtarit nuk do të rinovohej, duke lënë Gavazajn në kërkim të një skuadre të re për të vazhduar karrierën e tij.





Lajmet e fundit nga