web counter
LEXO PA REKLAMA!

SHKARKO APP

App Store
Google Play

Fitore e thellë ndaj San Marinos, Shaland: Shqipëria u shënoi vetëm dy herë

2 Qershor 2021, 09:20, Sport CNA

Bernard Shaland e ka cilësuar si një fitore të rëndësishme atë të Kosovës me shifrat 4-1 ndaj San Marinos. Pas përfundimit të sfidës, trajneri i ?Dardanëve? theksoi se kjo kishte qenë një provë e rëndësishme që kishte shërbyer për debutuesit, por edhe për Vedat Muriqin i cili gjeti përsëri ndjesinë e golave pas një sezoni jo edhe aq të mirë te Lacio.

?Ishte një ndeshje serioze dhe shumë e mirë. Nuk mund të them që ishte shumë e vështirë, por e interpretuam mirë dhe bëmë një ndeshje shumë të mirë. Mund të tregoheshim më efikasë, megjithatë ekipi bëri lojë të mirë, ia doli të shënojë dhe mendoj se duhet të jemi të kënaqur me atë që bëmë.

Ishte shumë e rëndësishme të interpretonim mirë të gjithë fazat e lojës dhe të mos bënim gabime, ndaj në tërësi them se bëmë një ndeshje të mirë. Ndaj San Marinos nuk është kaq e lehtë, pasi edhe Shqipëria vuajti jo pak ndaj tyre dhe në fund arriti të shënojë vetëm dy gola.

Debutuesit? Bajselmani ka bërë një paraqitje të mirë, por sot nuk ka qenë e vështirë për mbrojtësit, pasi nuk kanë pasur shumë punë. Më ka pëlqyer qetësia dhe loja e mirë me topin, kryesisht në ndërtimin e aksioneve. Idrizi ishte gjithashtu i veçantë në mesin e fushës dhe mjaft dinamik, ndaj është shumë pozitive për ne, që të kemi lojtarë të rinj dhe konkurrencë.

Muriqi? Nuk mund ta krahasoj situatën e tij këtu, me atë ndaj Lacios, por mund të them se këto gola sot do t?i japin shumë vetëbesim. Shpresoj që t?i shënojë dy gola edhe ndaj Spanjës, por nuk di të them pse shënon kaq pak te Lacio. Ndoshta ndikon konkurrenca e madhe, apo presioni, por unë jam shumë i kënaqur me paraqitjet e tij te Kosova.

Unë mendoj se ai ka arritur një sukses që është transferuar te Lacio, por ka konkurrencë të fortë me lojtarë si Imobile e Korrea, të cilët janë fantastikë. Ka ardhur rishtazi te Lacio dhe duhet të jetë i qetë e i përulur, për të punuar shumë e për t?u përmirësuar?, tha Shaland pas përfundimit të ndeshjes.





Lajmet e fundit nga